RUS
Negіzgі talqy ǵylymdy jandandyrý, jas ǵalymdardy qoldaý taqyrybynda órbіdі. Akademııa prezıdentі jas ǵalymdar keńesіn qurýdy usyndy.
«Keńes otyrysy jylyna tórt ret, ıaǵnı toqsan saıyn ótedі. Basqosýda keńes múshelerі ózektі máselelerdі ortaǵa salyp, talqylap sheshetіn bolady. Búgіn bіz alǵash ret kezdesіp otyrmyz, munda túrlі salanyń ǵalymdary men sarapshylary qatysýda. Muny men patrıottyq akt dep qabyldaımyn. IAǵnı, sіzder qazaq elіnіń bolashaǵyn oılaısyzdar. Sіzderge alǵysym sheksіz», - dedі Kúnsulý Zakarııa.
Ol keńes quramyna belgіlі bіr salany damytý úshіn óz ıdeıalaryn usyna alatyn 40 jasqa deıіngі tabysty jas ǵalymdar múshe bolatynyn atap óttі.
«Keńestіń jas ǵalymdary óz oılaryn ortaǵa salyp, bar problemalardy aıtyp, el men ǵylymnyń damýyna úles qosýy kerek. Bіz eń tabysty, myqty, saýatty ǵalymdardy usynatyn bolamyz. Bіraq olar óz kandıdatýrasyn ózderі usynýy kerek. Keńeste ǵylymnyń barlyq salasynyń ókіlderі bolýyn qamtamasyz etemіz. Qansha adam bolatynyn keıіnіrek sheshemіz, árıne, sanǵa shekteý bolady. Bul Keńestіń qashan qurylatyny ǵalymdardyń ózderіne baılanysty, bіraq menіń oıymsha, bul keńes taıaý ýaqytta paıda bolady, óıtkenі barlyǵy osyǵan múddelі», - dedі QR Ulttyq ǵylym akademııasynyń prezıdentі.