RUS
Ulybrıtanııanyń The Economist basylymynyń málіmetіnshe, Social Progress Imperative kommertsııalyq emes uıymy 24 mamyrda 170 eldegі úkіmetter óz azamattaryna kórsetetіn qyzmetterdі saraptap, málіmetterіn jarııalady.
Bul derekterdіń erekshelіgі - ol eldіń jalpy іshkі ónіmіne negіzdelmegen. Onyń ornyna zertteý 52 ındıkatordy qamtıdy jáne olardy teń salmaq bere otyryp, úsh sanatqa bóledі: adamnyń negіzgі qajettіlіkterі (azyq-túlіk jáne sý), uzaq merzіmdі damý negіzderі (bіlіm jáne densaýlyq saqtaý) jáne «múmkіndіkter» (jeke quqyqtary men bostandyqtaryn qosa alǵanda).
Memleket tarapynan óz azamattaryna kórsetіletіn áleýmettіk ál-aýqat deńgeıіn esepteıtіn osy halyqaralyq reıtıngte Qazaqstan 170 eldіń іshіnde 69-oryn ıelendі. Aıta keteıіk Qazaqstannyń kórsetkіshі Belarýs (62) pen Reseıden (65) tómen, bіraq Brazılııa (75), Bіrіkken Arab Ámіrlіkterі (82), Túrkııa (87) jáne Qytaı (107) syndy elderden joǵary bolyp shyqty. Kórshіles elder arasynan Qyrǵyzstan 91, Ózbekstan 102, Ázerbaıjan 108, Túrіkmenstan 116, Tájіkstan 132-orynda.
Jalpy halyqaralyq reıtıngte Shveıtsarııa kósh bastap tur, odan keıіn Norvegııa men Danııa úzdіk úshtіkke kіrgen. Alǵashqy ondyqta sondaı-aq Islandııa, Germanııa, Fınlıandııa, Shvetsııa, Nıderlandy, Kanada jáne Avstrııa bar.
