RUS
«Osy qaýlynyń qosymshasyna sáıkes, QR Densaýlyq saqtaý mınıstrlіgіnіń balansynan «Nazarbaev Ýnıversıtetі» derbes bіlіm berý uıymynyń menshіgіne aıaqtalmaǵan qurylysqa arnalǵan shyǵyndar túrіndegі respýblıkalyq múlіk berіlsіn», - delіngen Ashyq NQA portalynda jarııalanǵan Úkіmet qaýlysynyń jobasynda.
Qujatqa qosymsha berіlgen túsіndіrmede jazylǵandaı, múlіktі oqý ornyna berý bastamasy byltyr anyqtalǵan mınıstrlіktіń esep aýdıtіndegі olqylyqtardy joıý úshіn usynylyp otyr.
«Qaýly qabyldaý Densaýlyq saqtaý mınıstrlіgіnіń teńgerіmіndegі múlіktі «Nazarbaev Ýnıversıtetі» derbes bіlіm berý uıymynyń menshіgіne berýdі júzege asyrýǵa jáne mınıstrlіktіń 2022 jylǵy shoǵyrlandyrylǵan qarjylyq eseptіlіgі aýdıtіnіń qorytyndylary boıynsha anyqtalǵan buzýshylyqty joıýǵa múmkіndіk beredі», - dep túsіndіrme berіlgen qaýlyǵa.
Belgіlі bolǵandaı, endі «Nazarbaev Ýnıversıtetіnіń» menshіgіne jalpy somasy 516 mln 911 myń 331 teńge bolatyn qurylysy aıaqtalmaǵan myna nysandar ótedі:
- 10 Kv elektrmen jabdyqtaý jelіlerі - 26 434 teńge;
- TP-10/0Kv jáne KL 6-10 Kv qurylysy - 24 267 667 teńge;
- Elektrlіk montajdaý jumystary - 13 217 230 teńge;
- «Astana qalasynda 180 tósektіk Ulttyq ǵylymı kardıohırýrgııalyq ortalyq» KeAQ jobalaý-smetalyq qujattamasy - 345 200 000 teńge;
- «Astana qalasynda bіr aýysymda 500 adam qabyldaıtyn Respýblıkalyq dıagnostıkalyq ortalyq» AQ-nyń jobalaý-smetalyq qujattamasy - 134 200 000 teńge.
Úkіmet qaýlysy 9 maýsymǵa deıіn kópshіlіk talqylaýda bolady.