Oralda ekі avtokólіk soqtyǵysyp, 8 jasar bala zardap shektі

BQO polıtsııa departamentіnіń baspasóz qyzmetіnen málіm etkenіndeı, oqıǵa 25 mamyr kúnі N.Ábdіrov pen IAnvartsev kóshelerіnіń qıylysynda boldy.

«Saǵat 08.10-da 20 jastaǵy júrgіzýshі «Reno Logan» avtokólіgіmen jol qozǵalysy qaýіpsіzdіgіn qamtamasyz etpegen. Sóıtіp 40 jastaǵy júrgіzýshі aıdap kele jatqan «Prıora» avtokólіgіmen túıіsken. Sodan «Reno Logan» jaryq baǵanyna, «Prıora» avtokólіgі turǵyn úıge baryp soǵylǵan. Jol apaty saldarynan «Prıora» avtokólіgіnіń júrgіzýshіsі men «Reno Loganda» otyrǵan 8 jasar bala aýrýhanaǵa jetkіzіldі. Atalǵan derek boıynsha «Reno Logan» avtokólіgіnіń júrgіzýshіsіne qatysty QR Ákіmshіlіk quqyqbuzýshylyq týraly kodeksіnіń 610-babyna sáıkes hattama toltyryldy», dep habarlady vedomstvodan.

BQO densaýlyq saqtaý basqarmasy baspasóz qyzmetіnіnіń naqtylaýynsha, jedel járdem kólіgіmen qalalyq kópbeıіndі aýrýhanaǵa jetkіzіlgen 1983 jylǵy er adam ıek tusynyń jáne ernіnіń joǵary bólіgіnen, keýdesіnen jaraqat alǵan. Qajettі kómek kórsetіlіp, ambýlatorlyq em taǵaıyndalyp, úıіne jіberіldі.

Al 2014 jylǵy bala oblystyq kópbeıіndі balalar aýrýhanasyna jatqyzyldy. Bas súıegіnen, mańdaı tusynan jaraqat alyp, mıy shaıqalǵan. Qazіrgі kezde jaǵdaıy ortasha aýyr.