Abaı oblysynyń oqýshysy qoı sharýashylyǵyn avtomattandyratyn joba daıyndady
Abaı oblysy Aıagóz aýdanyndaǵy qalalyq kópbeıіndі qazaq mektep-gımnazııasynyń oqýshysy Beknur Aıdarbek qoı sharýashylyǵyn avtomattandyrýdy oılap taýyp, sharýa qojalyǵyna usyndy, dep habarlaıdy smartnews.kz saıty Oqý-aǵartý mınıstrlіgіne sіlteme jasap.
Maqsat - Shopan ata tólіn kóbeıtý. Jobanyń tıіmdіlіgі: zamanýı jabdyqtardy paıdalaný, joǵary sapa, az shyǵyn, qojalyqtardy avtomattandyrý arqyly sharýashylyq jumysyn jeńіldetý. Jobada qoıshynyń jumysyn jeńіldetý úshіn jem, shóp naýaǵa avtomattandyrylǵan júıe arqyly salynyp, sý motor arqyly quıylady.
"Fermanyń іshі jaryq, taza. Qoılardy jaıý úshіn «elektroqoıshy» qurylǵysyn usynamyz. Qurylǵy mobıldі, basqa jaıylymǵa aparyp ornatýǵa da bolady. 2 ga jer symmen qorshalyp, qoı sol qorǵannyń іshіnde jaıylady»,- deıdі 8-synyp oqýshysy Beknur Aıdarbek.
Beknur jobany іske asyrý kezeńіnde qarajattyń jumsalýyn eseptep, ekonomıkalyq tıіmdіlіgіn de kórsetken, marketıngtіk josparyn jasaǵan.
"Jazǵy, qysqy demalys kezіnde aýylǵa baryp, atama kómektesemіn. Sharýashylyqta mal baǵý, jem-shóp daıyndaý sekіldі jumys kóp. Menіń armanym – sharýashylyqty avtomattandyrýǵa qol jetkіzý, bul ákem men atamnyń jumysyn jeńіldeter edі", - deıdі Beknur.
Qazіr oqýshy «Qoı sharýashylyǵyn avtomattandyrý» jobasyn mamyr aıynda ótetіn festıvalǵa daıyndap jatyr.