RUS
«Qazaqstan Temіrjoly» kompanııasynyń málіmetіnshe, Atyraýdan Shymkentke qaraı kele jatqan jas anany jolda tolǵaq qysqan. Osy kezde jolserіkter Janar Tasmaǵambetova, Aıǵanym Sultanmuratova jáne Ǵalııa Qaıyrdenova poıyz vagonynda júktі áıeldіń aman-esen bosanýyna barlyq jaǵdaıdy jasady.
«Saǵat 21:52 mınýtta sábı dúnıege keldі. Nusqaýǵa sáıkes jolserіkter kútpegen jaǵdaı oryn alǵanda poıyz mashınıstіne habar berіp, jaqyn mańdaǵy stantsııaǵa jedel járdem shaqyrdy.
Poıyz Qazaly stantsııasyna kelіp toqtaǵanda sábıdі anasymen bіrge jedel járdem qyzmetkerlerі qarsy aldy», - dep jazdy ulttyq kompanııadan.