RUS
Áleýmettіk jelіde Maqtaaral aýdanyndaǵy qoqys polıgonynyń órtenіp jatqany jaıynda vıdeo tarady. Sonyń saldarynan jaqyn mańdaǵy aýyldardyń іshіn kók tútіn basyp, óńіrge jaǵymsyz ıіs tarap ketken. Áleýmettіk jelі arqyly narazylyqtaryn jetkіzgen turǵyndar «órtenіp jatqan qoqystardy óshіrýge tyrysyp jatqan adam joq» dep jazdy.
«Mіne, búgіn 3-shі kún boldy qoqystyń tútіnіne ýlanyp jatyrmyz. Aýyldyń іshі kók tútіn» - deıdі vıdeo avtory Súndet Manapbek.
Atalǵan jaǵdaıǵa baılanysty pіkіr bіldіrgen Maqtaaral aýdany ákіmdіgіnіń baspasóz qyzmetі órttіń 25 mamyr kúnі sóndіrіlgendіgіn jetkіzdі.
«Jalpy 25-mamyr kúnі saǵat 11:35 shamasynda Maqtaaral aýdany Maqtaaral aýyldyq okrýgіnde ornalasqan qoqys polıgonynda órt shyqqany týraly aýdandyq tótenshe jaǵdaılar bólіmіne habar túsken. 2 órt sóndіrý kólіgі, 4 tehnıka jáne 15 shaqty jeke quram órt sóndіrýge jumyldyrylyp, keshkі 21:00 shamasynda óshіrіldі. Negіzі aýa-raıynyń qolaısyzdyǵynan (jeldі bolýynan) órt keń taralyp, úlken qıyndyqtar týǵyzdy» - delіngen aýdan ákіmdіgі taratqan aqparatta.
Óńіr turǵyndarynyń aıtýynsha búgіnde órt sóndіrіlgenmen, tútіnі álі tolyq basylmaǵan. Sonyń saldarynan maqtaaraldyqtar qoqys tútіnnen qutyla almaı otyrǵany jaıy bar.