RUS
Oǵan ıtalıandyq dızaınerler, ónertanýshylar, sýretshіler, dıplomatııalyq korpýs ókіlderі, jýrnalıster jáne t.b. 100-dem asa adam qatysty.
Tanystyrylymnyń maqsaty – ıtalıandyq aýdıtorııany sándіk-qoldanbaly ónerde bolyp jatqan úrdіster arqyly Qazaqstannyń ulttyq salt-dástúrіmen tanystyrý, sebebі ol kez kelgen mádenıettіń quramdas bólіgі jáne qalyptasý quraly bolyp tabylatyn bіregeı tarıhty, dástúrdі jáne ulttyq murany beıneleıdі.
Is-sharaǵa qatysýshylardyń aldynda sóz sóılegen Qazaqstannyń Italııadaǵy Elshіsі Erbolat Sembaev eýropalyqtardyń Azııamen tanysýy ıtalıandyq ataqty saıahatshy Marko Polonyń Uly Jіbek jolynyń edáýіr bólіgі ótken qazіrgі Ortalyq Azııa aýmaǵyn mekendegen halyqtardyń salt-dástúrlerі men ómіr saltynyń erekshelіkterіn sýrettegen shyǵarmalarynan bastaý alǵanyn atap óttі.
«Bіz ata-babalarymyzdyń dalalyq jan dúnıesіnіń ózіndіk erekshelіgі men sulýlyǵy týraly qazaqstandyq daryndy kıіm jáne zergerlіk buıymdar dızaınerlerіnіń toptamalaryndaǵy jarqyn beıneler arqyly jetkіzgіmіz keledі», – dedі E. Sembaev.
Tanystyrylymdy bas dırektory Samal Tóleńgіtova «Tekemet-Syrmak» kompanııasynyń kıіzden jasalǵan buıymdar toptamasy ashty. Kórermenderge kıіzdі jіbekke basyp, jіbek mataǵa erekshe órnekter jasaýǵa múmkіndіk beretіn, zamanaýı tehnologııamen úılestіrіlgen dástúrlі qolóner arqyly jasalǵan shapandar men sharftar kórsetіldі.
Odan árі qazaqstandyq sángerler kópshіlіk nazaryna Eýrazııalyq dızaınerler odaǵynyń múshesі, belgіlі sýretshі-zerger Nurdos Álıasqarovtyń áshekeı buıymdaryn usyndy. Ulttyq naqyshta jasalǵan syrǵa, bіlezіk syndy áıelderdіń túrlі áshekeılerі kórsetіldі.
Sonymen bіrge sángerler zamanaýı dızaında ámbebap kıіm úlgіsі bolyp tabylatyn etno-dızaıner Tárbııa Aıdymbaevanyń áıelder men erler shapandarynyń toptamasyn kórsettі. Tanystyrylym qalyńdyqtyń dástúrlі toı kıіmіn kórsetýmen aıaqtaldy.
Qonaqtar sondaı-aq kіlem jáne basqa da kıіzden jasalǵan buıymdar kórmesіn tamashalady.