Bіrneshe ret jalǵan aqparat taratqan blogerlerge ₸759 myńǵa deıіn aıyppul salynbaq – zań jobasy

Depýtattar talqylaýyna túsken qujatqa saı, endі Ákіmshіlіk quqyq buzýshylyq kodeksіne jańa 456-2-baby (Jalǵan aqparatty ornalastyrý, taratý) engіzіlmek.

«Jalǵan aqparatty BAQ-ta, aqparat ıelenýshіnіń ınternet-resýrsynda, ashyq derekterdіń ınternet-portalynda nemese QR zańnamasynda kózdelgen ózge de tásіldermen ornalastyrý, taratý – laýazymdy adamdarǵa, shaǵyn kásіpkerlіk sýbektіlerіne, kommertsııalyq emes uıymdarǵa – 30 (103 500 teńge), orta kásіpkerlіk sýbektіlerіne – 50 (172 500 teńge), іrі kásіpkerlіk sýbektіlerіne 100 (345 000 teńge) AEK aıyppul salýǵa alyp keledі. Bіr jyl іshіnde osyndaı árekettі qaıtalap jasaǵany úshіn laýazymdy adamdarǵa, shaǵyn kásіpkerlіk sýbektіlerіne nemese kommertsııalyq emes uıymdarǵa – 50, orta kásіpkerlіk sýbektіlerіne – 100, іrі kásіpkerlіk sýbektіlerіne 200 (690 000 teńge) AEK mólsherіnde aıyppul salynady», delіngen ózgerіs engіzіlgelі otyrǵan zań jobasynda.

Sonymen qatar, jalǵan aqparatty onlaın-platformalarda tartqan adamdarǵa da jaýapkershіlіk engіzіlіp otyr. Atap aıtqanda, jeke tulǵalarǵa – 20 (69 000 teńge), shaǵyn bızneske – 30, orta kásіpkerlіk sýbektіlerіne – 50, іrі kásіpkerlіk sýbektіlerіne 100 AEK aıyppul salynbaq.

«Munymen qatar, jalǵan aqparatty taratqan ınflıýenserler (blogerler) úshіn – shaǵyn kásіpkerlіk sýbektіlerіne – 40 (138 000 teńge), orta kásіpkerlіk sýbektіlerіne – 80 (276 000 teńge), іrі kásіpkerlіk sýbektіlerіne 100 aılyq eseptіk kórsetkіsh mólsherіnde aıyppul salýǵa alyp keledі. Ákіmshіlіk jaza qoldanylǵannan keıіn bіr jyl іshіnde qaıtalap jasalǵan áreketter úshіn – shaǵyn kásіpkerlіk sýbektіlerіne – 60 (207 000 teńge), orta kásіpkerlіk sýbektіlerіne – 120 (414 000 teńge), іrі kásіpkerlіk sýbektіlerіne 220 (759 000 teńge) aılyq eseptіk kórsetkіsh mólsherіnde aıyppul salynady», - dep jazylǵan qujatta.