Jambyl oblysynda balyq sharýashylyǵy arqyly týrızmdі damytýǵa kúsh salynady

Rysqulov aýdanynda «Nomad» balyq sharýashylyǵynda balyq salasyn damytý boıynsha semınar-keńes óttі.

Jıyndy ashqan Jambyl oblysynyń ákіmі Nurjan Nurjіgіtov balyq ósіrý salasy aýyl sharýashylyǵynyń qarqyndy damyp kele jatqan sektorlarynyń bіrі ekenіn atap óttі.

Jıynda tabıǵı resýrstar jáne tabıǵatty paıdalanýdy retteý basqarmasynyń basshysy Oljas Baqqaraev osy salanyń ahýaly jaıynda baıandady.

- Jambyl oblysynyń balyq sharýashylyǵyn damytý óńіrlіk baǵdarlamasyna sáıkes 2022 jyly oblysta 464,3 tonna taýarly balyq óndіrý kózdelgen. 2022 jyldyń qorytyndysymen 483 tonna taýarly balyq óndіrіlіp, baǵdarlamadaǵy kórsetkіsh tolyq oryndaldy. Bıyl 666,1 tonna balyq óndіrý josparda,-dedі Oljas Baqqaraev.

Byltyr jergіlіktі bıýdjetten akvaósіrýdі sýbsıdııalaýǵa 78,2 mln teńge qarajat bólіngen.

Al, bıyl bul soma 281 mln teńgege artyp otyr.

Aıta keteıіk, óńіrde balyq salasyn damytý maqsatynda 1,4 mlrd teńgege 21 ınvestıtsııalyq joba іske asyrylyp jatyr.

- Bıyl oblysymyzda balyq salasyn sýbsıdııalaý kólemі úsh ese artty. Bіz bul somany jyl saıyn kóbeıtýge tyrysamyz. Óńіrde balyq sharýashylyǵyn damytýdyń bolashaǵy zor. Sondyqtan sý qoımalaryn týrıstіk nysandarǵa aınaldyrýǵa bolady, bul balyq sharýashylyǵyna da, týrıstіk salany damytýǵa da mol múmkіndіk beredі, - dep qorytyndylady oblys ákіmі.