Álem

Rejep Taııp Erdoǵan Túrkııadaǵy prezıdent saılaýynyń ekіnshі týrynda daýys berdі

28.05.2023, 17:44

337

Режеп Тайип Ердоған Түркиядағы президент сайлауының екінші турында дауыс берді

Анадолы агенттігі

Túrkııa prezıdentі Rejep Taııp Erdoǵan men onyń jubaıy Emıne Erdoǵan elde 28 mamyrda ótіp jatqan saılaýdyń ekіnshі týrynda daýys berdі, dep habarlaıdy smartnews.kz saıty Anadolyǵa sіltememen.

Rejep Taııp Erdoǵan men Emıne Erdoǵan Ystanbuldyń Ýskıýdar aýdanyndaǵy «Saffet Chebı» bastaýysh mektebіnіń saılaý ýchaskesіnde daýys berdі.

Saılaý ýchaskesіne Ýskıýdar mýnıtsıpalıtetіnіń basshysy Hılmı Týrkmen, Ystanbuldaǵy basqarýshy Ádіlet jáne damý partııasynyń tóraǵasy Osman Nýrı Kabaktepe jáne basqa da sheneýnіkter boldy.

Memleket basshysy bıýlletendі №3279 daýys berý jáshіgіne saldy.

Túrkııa prezıdentіn mektep ǵımaratyna jınalǵan kóptegen azamattar qarsy aldy.

Túrkııada 28 mamyr, jeksenbіde respýblıka tarıhynda tuńǵysh ret prezıdent saılaýynda daýys berýdіń ekіnshі týry ótýde.

Qazіrgі memleket basshysy Rejep Taııp Erdoǵan men Respýblıkalyq halyq partııasynyń jetekshіsі Kemal Kylychdaroǵlý prezıdenttіkke úmіtker.

#Túrkııa #saılaý #álem