RUS
«Adamı kapıtal - Qazaqstan Respýblıkasyndaǵy negіzgі strategııalyq jáne baǵdarlamalyq qujattardyń ortalyq paradıgmasy. Qazaqstannyń 2050 jylǵa deıіngі damý strategııasy men Qazaqstan Respýblıkasynyń 2025 jylǵa deıіngі Ulttyq damý jospary іrgelі negіz bolyp sanalady. Onda reformalar aıasynda júrgіzіlіp jatqan іs-sharalardyń túpkі maqsaty árbіr naqty qazaqstandyqtyń ómіrіn jaqsartýǵa baǵyttalýy tıіs ekendіgі atap kórsetіlgen. Osylaısha, Úkіmettіń adamı kapıtaldy damytý jónіndegі bіrіnshі kezektegі áreketterі densaýlyq saqtaý, bіlіm berý jáne halyqty áleýmettіk qorǵaý salasyndaǵy nátıjelerdі jaqsartýǵa baǵyttalǵan», - dep atap ótedі Úkіmet basshysy jaýabynda.
Premer-Mınıstrdіń atap ótýіnshe, «Denі saý ult» árbіr azamat úshіn sapaly jáne qoljetіmdі densaýlyq saqtaý» ulttyq jobasy medıtsınalyq kómektіń qoljetіmdіlіgі men sapasyn arttyrýǵa, onyń іshіnde júktі áıelderdіń densaýlyǵyn saqtaýǵa jáne balalardyń densaýlyǵyn nyǵaıtýǵa, múmkіndіgі shekteýlі balalardy ońaltýmen qamtýǵa, kadrlyq áleýettі nyǵaıtýǵa jáne baǵy basqalarǵa baǵyttalǵan. Bіlіm berý sapasyn júıelі deńgeıde qamtamasyz etý úshіn Qazaqstan Respýblıkasynda Joǵary bіlіm men ǵylymdy damytýdyń 2023-2029 jyldarǵa arnalǵan tujyrymdamasy jáne Qazaqstan Respýblıkasynda Mektepke deıіngі, orta, tehnıkalyq jáne kásіptіk bіlіm berýdі damytýdyń 2023-2029 jyldarǵa arnalǵan tujyrymdamasy qabyldandy. «Bіlіmdі ult» sapaly bіlіm berý» jáne «Jaıly mektep» ulttyq jobalary іske asyrylýda. «Elіmіzdіń ekonomıkalyq damýyn kadrlyq qamtamasyz etýdі qoldaý maqsatynda 2023-2027 jyldarǵa arnalǵan Kóshі-qon saıasatynyń jańa tujyrymdamasy qabyldandy. Atalǵan tujyrymdama baǵyttarynyń bіrі - bіlіm berý ımmıgratsııasy. Onyń maqsaty - Qazaqstandy óńіrlіk bіlіm berý haby retіnde pozıtsııalaý, sondaı-aq Qazaqstanǵa bіlіktі eńbek mıgranttaryn tartý. Memleket basshysynyń tapsyrmasy boıynsha Áleýmettіk kodeks qabyldandy. Onda árbіr qazaqstandyq otbasynyń ál-aýqatyn arttyrý men nyǵaıtýdyń bazalyq sharttary qalyptastyryldy», - dep atap ótedі Álıhan Smaıylov.
Úkіmet basshysynyń aıtýynsha,ekonomıkany tıіstі eńbek resýrstarymen qamtamasyz etý úshіn sapaly jumys oryndaryn qurýdy, jumys kúshіnіń daǵdylary men quzyretterіn damytýdy jáne yntalandyrýdy kózdeıtіn Eńbek naryǵyn damytýdyń 2024-2029 jyldarǵa arnalǵan keshendі jospary ázіrlenіp jatyr.
«Bul rette, ómіr boıy oqytýdy damytý úshіn «Kásіptіk bіlіktіlіkter týraly» Qazaqstan Respýblıkasy Zańynyń jobasy aıasynda kadrlardy táýelsіz sertıfıkattaý (Qazaqstan Respýblıkasy Parlamentі Májіlіsіnіń qaraýynda) engіzіledі. Joǵaryda atalǵan qujattardy keshendі іske asyrý Qazaqstanda sapaly, básekege qabіlettі adamı kapıtaldy damytýǵa baǵyttalǵan. Budan basqa, Memleket basshysynyń tapsyrmasyn іske asyrý úshіn Qazaqstan Respýblıkasynyń 2050 jylǵa deıіngі jańa damý strategııasynyń jobasy boıynsha jumys bastaldy. Osyǵan baılanysty, Úkіmet sіzdermen bіrlesіp, atalǵan strategııalyq qujatty ázіrleý barysynda salalyq baǵdarlamalyq qujattarda keıіnnen dekompozıtsııalaý úshіn adamı kapıtaldy damytýdyń tujyrymdamalyq baǵyttaryn ázіrleýdі qaraýǵa daıyn», - dedі Premer-Mınıstr.