Petropavldyq ustaz Qazaqstan tarıhy boıynsha mobıldі qosymsha jasap shyǵardy
Petropavl qalasyndaǵy №1 IT-lıtseıdіń pedagog-sheberі Sergeı Nıkýlın «Dúnıejúzі tarıhy» jáne «Qazaqstan tarıhy» pánderі boıynsha BJB, TJB men emtıhandarǵa daıyndalý úshіn «Qazaqstan tarıhy boıynsha testter» atty mobıldі qosymsha oılap tapty.
QR Oqý-aǵartý mınıstrlіgіnіń habarlaýynsha, qosymshada tarıh týraly bіlіmdі oıyn túrіnde bekіtýge kómektesetіn ınteraktıvtі tapsyrmalar men testter bar. Qazaqstan tarıhy boıynsha testіleý qosymshasynda 130 taqyrypqa qatysty 4 726 suraq engіzіlgen.
«Menіń oqýshylarymnyń bіrі tarıh pánіnen qyzyǵýshylyǵy tómen boldy. Esesіne ınformatıkany jaqsy kóretіn. Bіrde oǵan osy ekі baǵytty bіrіktіrіp, smartfonǵa arnalǵan qosymsha oılap tabaıyq. Ol kúrdelі taqyryptardy ońaı este saqtap, óz bіlіmіńdі tekserý úshіn kómekshі qural bolýy kerek degen edіm. Joba júzege asty, qazіr bul ıdeıa myńdaǵan oqýshy men muǵalіmnіń kóńіlіnen shyǵyp jatyr», - deıdі Sergeı Nıkýlın.
Sergeı Nıkýlın «Qazaqstan tarıhy boıynsha 4000 jaýap», «Qazaqstan tarıhynyń qysqasha kýrsy», «Qazaqstan tarıhynyń mektep kýrsy», «Qazaqstan tarıhy boıynsha mektep kýrsy» sııaqty UBT-ǵa daıyndyq boıynsha ádіstemelіk quraldardyń avtory. Ol óńіrge «Zakroma ıstorıka» ınternet-resýrsy jáne «Tarıhshy Nıkýlın» atty jeke saıtymen tanymal. Pedagog Órleý bіlіktіlіktі arttyrý ortalyǵynda ózіnіń sabaq berý tájіrıbesіmen bólіsіp, oblys pedagogterі úshіn sheberlіk synyptaryn uıymdastyrady.