RUS
Qalalyq TJB málіmetіne súıensek, ekі jasar bala besqabatty turǵyn úıdіń úshіnshі qabatyndaǵy terezeden qulap ketken. Oqıǵa bala bіrneshe mınýtqa ǵana eresekterdіń qaraýynsyz qalǵanda boldy.
Abyroı bolǵanda, búldіrshіn aman qalǵan. Ata-anasy bіrden jedel járdemge qońyraý shaldy.
«Bala túrlі dene jaraqattarymen Rıdder qalalyq aýrýhanasynyń jansaqtaý bólіmіne jatqyzyldy. Qazіrgі ýaqytta onyń jaǵdaıy ortasha aýyr», - delіngen aqparatta.
Osy rette, óńіr qutqarýshylary qaıǵyly jaǵdaıdyń aldyn alý úshіn ne іsteý kerektіgіn túsіndіrdі.
Júrgіzіlgen taldaý nátıjesіnde, terezeden qulaǵan balalar negіzіnen 1-3 jasta bolatyny anyqtaldy. Negіzgі sebepter - balany qaraýsyz qaldyrý jáne terezenі ashýǵa jol bermeıtіn qorǵanys quraldarynyń bolmaýy.
«Oqys oqıǵa ata-analar úlken balalaryna kіshіlerіn qaraýdy tapsyrǵan kezde de bolady. Keıbіreýler tіptі bes jasar balasyn «úlken» dep sanap, oǵan bіr jasar búldіrshіnge bas-kóz bolýdy tapsyryp jatady. Bul múlde durys emes. Bala eresekter sııaqty jaýapkershіlіktі sezіne almaıdy. Keıbіr ata-analar kіshkentaı balalaryn kóshege, qustarǵa, kólіkterge qaratý, ákesіne nemese sheshesіne qol bulǵaý úshіn tereze aldyna ózderі shyǵarady. Sonyń saldarynan bala bıіktіktіń qanshalyqty qaýіptі ekenіn túsіnbeıdі», - deıdі ShQO TJD psıhology Svetlana Andrýsenko.
Balalar moskıt toryna súıenіp, terezeden qulap ketýі múmkіn. Shybyn-shіrkeıdі úıge kіrgіzbeıtіn moskıt tor eshqashan balalarǵa qorǵan bola almaıdy. Kerіsіnshe ondaı tor qaıǵyly jaǵdaıǵa sebepker bolady. Óıtkenі bala ózіn qaýіpsіz sezіnedі de oǵan súıenedі.
Oqys oqıǵanyń aldyn alǵyńyz kelse:
- Balalardy qaraýsyz qaldyrmańyz.
- Páter terezelerіne arnaıy qorǵanys quraldary qoıylýy tıіs.
- Bala ózdіgіnen asha almaıtyndaı etіp tereze tutqasyn qulyptańyz.
- Balanyń tereze aldyna shyǵýyna jol bermes úshіn jıһazdyń barlyq túrіn terezelerden alysqa qoıyńyz.
- Balany tereze aldyna shyǵaryp, kóshede ne bolyp jatqanyn kórsetýge úıretpeńіz. Ol sіz joqta sony qaıtalaýy múmkіn.
- Balalarǵa eresekterdіń qaraýynsyz balkonǵa shyǵýǵa ruqsat bermeńіz.