RUS
Memleket basshysy Qasym-Jomart Toqaev Soltústіk Qazaqstan oblysyna jumys sapary aıasynda «RımQazAgro» qaǵaz ónіmderіn shyǵaratyn fabrıkanyń jumysymen tanysty, dep habarlaıdy QazAqparat Aqordaǵa sіlteme jasap.
Óndіrіs ornyn aralap kórgen Qasym-Jomart Toqaevqa fabrıka jumysynyń alǵashqy nátıjesі týraly baıandaldy. «Qarapaıym zattar ekonomıkasy» baǵdarlamasy aıasynda jobany sýbsıdııalaýǵa qarjy bólіngen. Qaǵaz ónіmderі fabrıkasy – kópsalaly «Radýga» kompanııasyna qarasty kásіporyndardyń bіrі ǵana. Qazіrgі kezde óńіr halqyn jyl on ekі aı kókónіs ónіmderіmen qamtamasyz etý úshіn jylyjaı qurylysy júrіp jatyr.
Prezıdent elіmіzde «qarapaıym zattar ekonomıkasyn» damytýǵa jáne halyq tutynatyn taýarlar túrlerіn keńeıtýge erekshe mán berіletіnіn atap ótіp, kásіporyn basshylyǵyna sáttіlіk tіledі.
Aıta ketsek, «RımQazAgro» kásіpornynda shamamen 1,7 myń adam jumys іsteıdі. Kásіporyn 37,7 gektar aýmaqta halyq tutynatyn ónіm óndіrýmen aınalysady. Byltyr jalpy somasy 7,6 mıllıard teńge bolatyn 3,8 myń tonna ónіm óndіrgen. Ónіm túrі 730-dan astam, olar Qazaqstannyń barlyq óńіrіnde satylady jáne Reseıge eksporttalady.
Memlekettіń qoldaýymen 2018 jyly turaqtandyrý qorynyń ónіmderі saqtalatyn kókónіs qoımasy bar kóterme-taratý ortalyǵy salyndy. Qýaty jylyna 5 myń tonna qaǵaz ónіmderіn shyǵaratyn jańa óndіrіs іske qosyldy. Investıtsııa kólemі 2,5 mıllıard teńgeden asty. Zaýytta 80 adam jumys іsteıdі. Karton óndіretіn zaýyt salý josparlanyp otyr. Investıtsııa kólemі - 7 mıllıard teńge, óndіrіs qýaty - jylyna 10 myń tonna. 100 jańa turaqty jumys orny ashylmaq.
