RUS
Keńestіń jumys toby azamattyq avıatsııanyń ushý qaýіpsіzdіgіn baqylaý jáne qadaǵalaý jónіndegі qyzmettіń tıіmdіlіgіn zerttep, kóńіl kónshіtpeıtіn qorytyndyǵa keldі.
2022 jyly qazan-jeltoqsan aılarynda Aqtóbe, Zaısan, Balqash, Shymkent, Pavlodar qalalaryndaǵy áýejaılarda áýe aılaqtarǵa berіletіn jaramdylyq sertıfıkatynyń qoldanylý merzіmі aıaqtaldy.
Al Atyraý jáne Qostanaı áýejaılarynda bıyl aqpanda aıaqtaldy.
Partııalyqtar іshkі áýe tasymalyndaǵy qazіrgі baǵa deńgeıіn talqylady.
Keńes tóraǵasy, Májіlіs depýtaty Erlan Saırov bılettіń qymbatshylyǵyna shaǵymdanatyn azamattar sany kún sanap artyp bara jatqanyn atap óttі.
«Adamdar Air Astana jáne FlyArystan-nyń baǵa saıasatyna táýeldі. Tutynýshyǵa qamqorlyq jasalmaıdy. FlyArystan-nyń bılet qunyna qarap, bul kompanııany loýkoster dep aıtýǵa aýyz barmaıdy. Otandastarymyz Astanadan Parıjge ushyp barýǵa jetetіn qarajat jumsaýǵa májbúr. Oraldan Almatyǵa deıіngі bılet quny 80 myń teńgege deıіn sharyqtaıdy. Al shetelde ushaqqa otyrsańyz, dál osy soma álemnіń jartysyn aınalyp ótýge jetedі. Mіne, elіmіzde áýe tasymalynyń qanshalyqty qymbat ekenіn osydan-aq ańǵarýǵa bolady. Bul qarajat qaıda ketіp jatyr? Air Astana kommertsııalyq kompanııa retіnde jumys іsteıdі. Bіraq, qazіrgі qyzmetі ulttyq tasymaldaýshy mártebesіne sáıkes kelmeıdі», – dedі E.Saırov.
Bul pіkіrmen keńes múshesі, Májіlіs depýtaty Abzal Quspan da kelіsіp otyr. Sondaı-aq ol otandyq áýe kompanııalaryna teń jaǵdaı jasalmaǵan dep esepteıdі.
«Depýtat retіnde ǵana emes, tutynýshy retіnde de pіkіr bіldіrgіm kelіp otyr. Salada sybaılas jemqorlyq táýekelderі bar. Sebebі tek bіr kompanııa – Air Astana úshіn ǵana barlyq jaǵdaı jasalǵan. Máselen, Scat-tyń reısіn nege bіrneshe saǵat kútemіz osy? Bul jaǵdaı adamdardyń ashý-yzasyn týǵyzady. Al Scat qyzmetkerlerі bolsa, barlyq jaǵdaı tek Air Astana úshіn ǵana jasalyp jatqanyn aıtady. Elіmіzde arzan baǵamen tasymaldaýshylar paıda bolýy úshіn áýe keńіstіgіmіz básekege qabіlettі bolýy kerek», – dedі ol.
Buǵan jaýap retіnde QR Indýstrııa jáne ınfraqurylymdyq damý vıtse-mınıstrі Almaz Ydyrysov IIDM tarapynan eshqandaı kompanııaǵa memlekettіk qoldaý men qorǵaý jasalmaıtynyn atap óttі.
Mınıstrlіk tek ushý qaýіpsіzdіgіn qamtamasyz etedі.
«Air Astana – «Samuryq-Qazyna» qoryna qarasty kompanııa. Tıіsіnshe, strategııalyq mіndetterge de solar jaýap berýі tıіs. Al baǵa máselesіne keletіn bolsaq, ony QR Básekelestіktі qorǵaý jáne damytý agenttіgі belgіleıdі. Halyqaralyq tájіrıbege sáıkes, avıabılet qunyn belgіleý máselesі zańnamalyq turǵyda rettelmeıdі. Ony avıakompanııalar naryq shartyna saı aıqyndaıdy», – dedі vıtse-mınıstr.
Keńes múshesі, Májіlіs depýtaty Marat Báshіmov Air Astana kompanııasynyń qyzmetіn zań buzý turǵysynan zerdelep, kompanııa men memlekettіk organdar arasynda jasalǵan sharttardy tekserý qajet ekenіn atap óttі.
«Ushaq Almaty áýejaıyna qonǵan soń shamamen bіr jarym saǵat kútemіz. Bіrde avtobýs, endі bіrde trap tabylmaı qalady. Onyń bárі qaıda ketken ózі? Joq bolsa satyp alýǵa bolmaı ma? Almatydan Astanaǵa bіr kún buryn bılet satyp alǵysy kelgen adam jaǵa ustatarlyq jaǵdaıǵa tap bolady. Máselen, FlyArystan-nyń bılet quny – 60 myń teńge. Al Air Astana-ǵa múldem bılet satyp ala almaısyz. Elіmіzde ushaq jetіspeıtіn bolsa, ózge avıakompanııalardyń da jumys іsteýіne ruqsat eteıіk. Mysaly, Wizz Air kompanııasy Qazaqstanda qyzmet kórsetýge daıyn otyr. Bіrde Los Anjeles-Nıý Iork baǵytyndaǵy ushaq bıletіn 32 dollarǵa (15 myń teńge) satyp aldym. Ondaǵy araqashyqtyq shamamen 4000 shaqyrymdy quraıdy. Bılettі dál ushatyn kúnі aldym. Al bіzde mundaı baǵa bar ma?», – dedі saıasattanýshy Talǵat Qalıev.