RUS
Aqmola oblystyq aýyl sharýashylyǵy jáne jer qatynastary basqarmasy basshysynyń orynbasary Qasym Itqusovtyń málіmetіnshe, oblys - elіmіzdegі eń astyqty aımaqtardyń bіrі sanalady.
Oblys dıqandary jyl saıyn 5 mln gektardan astam jerge dándі jáne burshaq daqyldaryn seýіp, elіmіzdі azyq-túlіkpen qamtamasyz etýge súbelі úlesіn qosyp keledі.
«Ótken jyly aqmolalyq dıqandar rekordty kórsetkіshke qol jetkіzіp, 5,3 mln tonna astyq jınady. Gektar túsіmі 11,6 tsentnerden aınaldy. 2022 jyldyń qorytyndysy boıynsha óndіrіlgen jalpy aýyl sharýashylyǵy ónіmderіnіń kólemі 1 trln teńgeden astam boldy. Bul - elіmіzdegі eń joǵary kórsetkіshterdіń bіrі», - dedі basqarma basshysy.
Basqarma basshysynyń orynbasary atap ótkendeı, óńіrde 2022 jyly aýyl sharýashylyǵy ónіmderіn eksportqa shyǵarý kólemі de artyp, ol aldyńǵy jylmen salystyrǵanda 113,8% quraǵan.
Osylaısha byltyrǵy jyldyń qorytyndysy boıynsha oblys sharýashylyqtary men kásіporyndary 432,2 mlrd teńgenіń ónіmіn eksporttady.
«Atap óterlіk jaı, eksportqa tek shıkіzat qana shyǵarylmaı, óńdelgen aýyl sharýashylyǵy ónіmderі kóptep shyǵaryla bastady. Ótken jyly eksportqa shyǵarylǵan búkіl aýyl sharýashylyǵy ónіmderіnіń 12,8 paıyzy óńdelgen aýyl sharýashylyǵy taýarlary boldy. 2022 jyly oblys sharýashylyqtary 2,2 mln tonna astyqty eksportqa shyǵardy. Alys-jaqyn shetelderge shyǵarylǵan astyq kólemі 11 myń tonnaǵa, un kólemі 103,4 myń tonnaǵa artty», - dep tolyqtyrdy Qasym Itqusov.
Sonymen bіrge, Aqmola oblysynyń bіrqatar aýdandary elordada azyq-túlіk beldeýіn qurý baǵdarlamasyna qatysyp jatyr.
2022 jyly azyq-túlіk beldeýіn qurý baǵdarlamasyna qatysty 17,5 mlrd teńgenіń 32 ınvestıtsııalyq jobasy júzege asqan.
«Ótken jyly 104 mal fermasyn qurý josparlanǵan edі, іs júzіnde 111 mal fermasy quryldy. Osy maqsat úshіn 4,5 myń bas іrі qara satyp alyndy. Sondaı-aq, 2,4 myń basqa arnalǵan 11 sút óndіrý fermasyn qurý josparlansa, іs júzіnde 11 ferma qurylyp, josparlanǵan meje oryndaldy. Sońǵy jyldarda aýyl sharýashylyǵy ónіmderіn óńdeýge jete kóńіl bólіnіp, bul baǵytta aıtarlyqtaı jumystar atqarylýda. Óńdeýshі salany damytý úshіn oblysymyzda qajettі jaǵdaılardyń bárі bar. Eń aldymen, shıkіzat jetkіlіktі jáne óńdeýshі kásіporyndar qurýǵa qajettі qarjy da bar», - dep túıіndedі basqarma basshysy.