RUS
Atalǵan kelіsіm merzіmdі qyzmettegі sarbazdarǵa qarjylyq mіndettemelerі boıynsha aı saıynǵy tólemderіn 13 aıǵa keıіnge qaldyrýǵa múmkіndіk beredі. Budan basqa, qyzmet ótkerý kezeńіnde kredıtorlar bereshektі óndіrіp alý boıynsha sotqa іster jáne notarıýsqa ótіnіshter berýdі toqtatady.
Elіmіzdіń barlyq óńіrіnіń áskerge jınaý pýnktіlerіnde áskerge shaqyrylýshylarda kredıtter men qaryzdardyń bolýy týraly aqparat jınaý jumystary júrgіzіlіp jatyr. Nesıelerі bar jastar jergіlіktі áskerı basqarý organy basshysynyń atyna qaryz alýshynyń ataýyn, tólenýge tıіstі somany jáne qaryzdy tóleýge baılanysty basqa da derekterdі kórsete otyryp ótіnіsh beredі.
Qaryzdyń bar ekendіgі týraly habarlap úlgermegen sarbazdar bul máselenі bólіmnіń basshylyǵyna jazbasha ótіnіsh berý arqyly sheshe alady. Bul rette jergіlіktі áskerı basqarý organynyń atyna berіlgen týystarynyń ótіnіshterі de qaralady.
Alynǵan málіmetter retteýshіge berіledі. Óz kezegіnde QR Qarjy naryǵyn retteý jáne damytý agenttіgі áskerge shaqyrylǵan sarbazdarǵa negіzgі borysh pen syıaqy boıynsha tólemderdі keıіnge qaldyrý qajettіgі týraly qarjy mekemelerіn habardar etedі.
Áskerı boryshyn aıaqtaǵan soń jastar jeńіldіkterdі paıdalanyp, joǵary oqý ornyna UBT tapsyrýsyz túse alatynyn da aıta ketelіk. Bul rette kózge túsken sarbazdar joǵary oqý ornynyń granty esebіnen aqysyz oqýǵa túse alady.