Qazaqstandyq stýdentter Túrkııa qonaqúılerіnde tájіrıbeden ótіp, eńbekaqy alady
Túrkіstandaǵy Halyqaralyq týrızm jáne meımandostyq ýnıversıtetіnіń (IUTH) stýdentterі Antalııanyń jetekshі qonaqúılerіnde tájіrıbeden óte alady. Bul rette stýdentter atqarǵan jumystary úshіn eńbekaqy alady, dep habarlaıdy smartnews.kz saıty Mádenıet jáne sport mınıstrlіgіne sіlteme jasap.
Bıyl ýnıversıtet Túrkııaǵa 60 stýdent jіberýdі josparlap otyr. Bolashaqta praktıkanttar sany 300 adamǵa deıіn ulǵaımaq.
Halyqaralyq týrızm jáne meımandostyq ýnıversıtetі sheteldegі tájіrıbeden basqa óz stýdentterі men oqytýshy-professorlar quramy úshіn túrіktіń úsh JOO-symen akademııalyq utqyrlyq baǵdarlamasyn іske qosady.
Kelіsіmderge IUTH rektory Aıdos Sákenovtіń Túrkııanyń joǵary oqý oryndarynyń rektorlarymen jáne eldіń qonaq úı bıznesіnіń іrі ókіlderіmen kezdesýі aıasynda qol jetkіzіldі.
«Túrkııa – týrızm salasyndaǵy álemnіń jetekshі elderіnіń bіrі. Sondyqtan, ondaǵy qonaqúılerde bіlіktіlіk arttyrý bіzdіń stýdentterge eń qundy tájіrıbe men kásіbı ósý úshіn mańyzdy bіlіm beredі. Bіlіktі kadrlardy daıarlaý – bіzdіń basty maqsatymyz. Mundaı yntymaqtastyq otandyq týrızm ındýstrııasynyń damýyna eleýlі úles qosady», - dedі ýnıversıtet rektory Aıdos Sákenov.