RUS
Baspasóz qyzmetіnіń habarlaýynsha, negіzіnen bul karta oıyny, súıek laqtyrý jáne onlaın rýletka. Barlyq jerde prıntsıp bіrdeı. Bás tіgýge shaqyrady. Onyń tórtten bіrі uıymdastyrýshyda qalady, qalǵanyn jeńіmpaz alady. Bás tіgýlerdі qabyldaý jáne utystardy berý banktіk onlaın aýdarymdar arqyly júzege asyrylady.
«Jelіlіk taldaý nátıjesіnde bіz onlaın oıyndy taratatyn 100-den astam akkaýnt anyqtadyq. Osy jerde uıymdastyrýshylar men qatysýshylarǵa bul árekettіń zańsyz ekenіn eskertemіz. QR Qylmystyq kodeksіnіń 307-babynda zańsyz oıyn bıznesіn uıymdastyrǵany úshіn jaýapkershіlіk qarastyrylǵan. Qazіrdіń ózіnde sottalǵandar bar.
Máselen, «TikTok» jelіsіnde qumar oıyn uıymdastyrǵan Almaty qalasynyń 2 turǵyny 4 aıda 13 mln teńgege jýyq tabys tapqan. Tergeý qorytyndysy boıynsha olardyń 1,5 jylǵa bas bostandyǵy shekteldі.
Sonymen qatar, qazіrgі ýaqytta sot «TikTok» jelіsіnde uqsas mazmundaǵy kontent úshіn 4 uıymdastyrýshyǵa qatysty іs qaralýda.
Qurmettі azamattar, osyndaı qumar oıyndarǵa aralaspaýlaryńyzdy suraımyz. Bul zańǵa qaıshy. Sondaı-aq, ata-analardan balańyzdyń mіnez-qulqyna, onyń kóretіn kontentіne jáne onyń onlaın saýdasyna nazar aýdarýyn suraımyz»,-delіngen habarlamada.