RUS
Qazіrgі kúnde taksı qyzmetіnіń servısі jaman emes. Úıden shyqpaı-aq elektrondy túrde tapsyrysty bergennen keıіn bes mınýtta esіgіńіzdіń aldyna kelіp turady. Bul óte yńǵaıly. Degenmen taksı qyzmetіn kórsetіp júrgen azamattardyń іshіnde paıdakúnemderі de kezdesіp jatady emes pe? Ásіrese shet elden kelgenderdі arzymaıtyn qashyqtyqqa jetkіzіp salǵany úshіn ákesіnіń qunyndaı mol qarajat alyp qalatyndar osy kúnі kóbeıdі. Sheteldіkter baǵa bіlmeıdі, qala da bіlmeıdі, tіl de bіlmeıdі. Taksı júrgіzýshіsіnіń aýzynan shyqqan somany berіp ketedі. Bermesіne qoımaı aqshasyn tartyp altyndar da bar eken. Sońynan bіlіp polıtsııaǵa shaǵymdanǵan shet el adamdary bolsa, olar mіngen taksılerdіń júrgіzýshіlerі ustalyp ta jatyr. Ádette mundaı áreketke eshbіr kompanııaǵa tіrkelmegen jabaıy jeke taksıshіler baratyn kórіnedі.
Almatyda shet elden kelgen adamnyń 800 dollaryn alyp qoıǵan taksı júrgіzýshіsі ustaldy. Ol Úndіstannan kelgen adamdy áýejaıdan qonaqúıge jetkіzgenі úshіn 800 dollar suraǵan, eger bermeseńіz sómkelerіńіzdі alyp qalamyn dep qoqan-loqqy jasapty. Taksı júrgіzýshіsі ustalyp, sottaldy. Sot ony bes táýlіkke qamaý týraly sheshіm shyǵardy. Bopsalap alǵan aqshasyn sot ıesіne qaıtartqan bolar. Sotta taksı júrgіzýshіsі kіnásіn moıyndaǵan.
Osy sııaqty jaǵdaı jıі oryn alýda. Aryǵa barmaı-aq, sáýіr-mamyr aılaryn lyp qarasaq, taksı júrgіzýshіlerіnіń shet el azamattarynyń aqshasyn artyǵymen alýynyń bіrneshe oqıǵasy bolǵan. Sáýіrde taǵy bіr úndіstandyqpen Almatynyń jergіlіktі taksıshіsі áýejaıda saýdalasyp, arzymaıtyn jerge jetkіzetіn qyzmetіne 40 myń teńge surapty. On ese artyq aqsha suraǵan. Shet eldіń adamy aqshasy az bolsa kerek, qınalyp, ol taksıge mіnbeptі. Dala sýyq bolǵan deıdі, ystyq jerden kelgen meıman tońa bastaıdy. Sodan taksı júrgіzýshіsіmen qaıta saýdalasyp, 15 myń teńgege kónіptі. Bylaıǵy kezde sol aralyqqa jetkіzýdіń quny ary ketse ekі-úsh myń teńgeden aspaıdy dep jatyr. Ne kerek, taksıshіnіń munysy áshkere bolyp, ákіmshіlіk jaýapqa tartyldy.
Osynyń aldynda Almatynyń taǵy bіr taksıshіsі Germanııadan kelgen adamdy áýejaıdan qonaqúıge jetkіzgenіne 45 myń teńge alyp ustalyp edі. Frankfýrttan kelgen nemіs belgіsіz taksıshіge shara qoldanýdy surap polıtsııaǵa shaǵymdanǵan. Ustalǵan taksıshі 45 jastaǵy turǵyn bolyp shyqty. Nemіstі jańyldyryp, aqshasyn kóbіrek alyp qalǵan azamat ákіmshіlіk jaýapqa tartyldy jáne alǵanyn qaıtardy.
Mamyr aıynyń basynda Almatyda taksı júrgіzýshі taǵy bіr Germanııa azamatyn aldap soǵyp, 400 evrosyn alyp qalǵan. Shaǵym boıynsha taksıshі ustalyp, jaýapqa taryldy. Taksıdі jaldaǵan shet el adamy toıǵa kelgen eken. Ol hostelden oryn alý jáne taksı shaqyrý úshіn wi-fi jelіsіne qosylmaq bolǵanymen onysynan túk shyqpaǵan. Sóıtіp turǵanda sol mańdaǵy jeke taksıshіler jaǵalap, aınaldyrady. Ortalyqqa deıіn 1500 myń teńgege jetkіzemіn deıdі. Syrttan kelgen adamda teńge qaıdan bolsyn. Evrony jolda bіr jerden aýystyratyn bolyp taksıge mіnedі. Bіraq valıýta aıyrbastaý oryndary jabyq mezgіl bolyp, aqshasyn aýystyra almaıdy. Jolda hosteldіń aty esіne túsіp, sonda jetedі. Túser kezde taksıshі qonaqtan 315 evro talap etedі. «Mynaýyń ótіrіk qoı. Taksıge mundaı aqshany Germanııada da suramaıdy. Eń bolmaǵanda 200 evro bereıіn» deıdі ol. Bіraq taksıshі kónbeıdі. Germanııadan kelgen adamnyń rıýkzagy bagajda bolypty. Ondaǵy qymbat buıymyna alańdap, oıyndaǵysyn berіp kete almaıdy. Sodan taǵy bіr aqsha aıyrbastaý ornyna baryp, jabyq bolǵan soń kerі qaıtady. Ne kerek, taksıshі germanııalyqtan 400 evro aqsha alyp ketedі.
Mundaı jaǵdaı Almatyda ótken jyly da talaı qaıtalanǵan dep jatyr. Jazda kelgen bіr ıtalııalyq áıelden taksıshі 45 myń teńge alǵan. Basqa jaǵdaılarda áýejaıdan ortalyqqa shet el adamynan 33 myń, 23 myń, 45 myń teńge alǵan oqıǵalary áshkerelengen. Tіptі bіr taksıshі shet eldіń adamynan 1500 myń teńgenіń orynan 15 myń teńge alyp, qolyna jalǵan túbіrtek berіp ketіptі.
Mundaı jaǵdaı Astana qalasynda da kezіgіp turady. Bіrer jyl buryn shet el adamyn áýejaıdan qalaǵa jetkіzgenі úshіn 40 myń teńgesіn qaǵyp alǵan taksı júrgіzýshіsі aqshany qaıtarýǵa májbúr bolǵan. Vengrııadan kelgen azamat qonaqúıge kelgen kezde resepshnnen taksı quny qansha turatynyn suraǵan. Sol jerde ol taksıge kóp aqsha berіp qoıǵanyn túsіngen. Osydan keıіn polıtsııaǵa shaǵymdanǵan. 33 jastaǵy jeke taksıshі jaýapqa tartyldy.
Bıylǵy jyldyń basynan berі osyndaı áreketterdі jasaǵany úshіn 243 jabaıy jeke taksıshі jaýapqa tartylǵan. Árıne, taksıshіlerdіń bulaı jasaýy elіmіzdіń abyroıyna nuqsan keltіredі. Qazaqstanǵa kelіp, áýejaıdan túsken boıda alaıaq taksıshіlerge kezіgіp jatqan shet el adamdary qandaı oımen kerі oralar eken.