RUS
Jelіde taraǵan vıdeoda kólіktіń Saın - Jubanov kóshelerіnіń qıylysyndaǵy aýlalardyń bіrіnde aýdarylyp jatqany aıtylady.
Atalmysh oqıǵaǵa baılanysty Áýezov aýdanynyń ákіmdіgі túsіnіk berdі.
Ákіmdіktіń málіmetіnshe, atalǵan ýchaske - bіrіnshі shaǵynaýdandaǵy 74 jáne 76 úılerdіń arasyndaǵy qatty turmys qaldyqtaryn (QTQ) shyǵarýǵa arnalǵan qoqys alańyna іrgeles aýmaq.
«Bul ýchaskenі jaqyn mańdaǵy úılerdіń turǵyndary qoqys shyǵarý úshіn paıdalanady. Kómіlgen konteınerlerden QTQ shyǵarý jumystaryn «Tártіp» AQ merdіger uıymy júrgіzedі. Tapsyrys berýshі - ekologııa jáne qorshaǵan orta basqarmasy. Búkіl osyndaı shuńqyrlardy aýdannyń kommýnaldyq qyzmetterі únemі kómіp otyrady», - dep habarlady Áýezov aýdanynyń ákіmdіgі.
Ákіmdіk sondaı-aq kólіk aýdarylyp qalǵan shuńqyrdyń qazіr jabylǵanyn habarlady.