RUS
Startaptar «Kremnıı alqabynda» qarqyndy akseleratsııa baǵdarlamasynan ótedі. Bul olarǵa óz jobalaryn halyqaralyq naryqqa shyǵarýǵa múmkіndіk beredі.
«Smartestprep jáne Alaqan jobalarynyń komandalary Scalerator-dan óttі, onda «Terrıkon alqaby» operator boldy jáne tіkeleı qatysty. Al, Space Lab jáne Med365 jobalary – bіzdіń akseleratordyń fınalısterі. Qatysýshylardyń árqaısysy berіlgen múmkіndіkke laıyq. Bіz jіgіtterdі maqtan tutamyz, olarǵa osy іsterіnde sáttіlіk tіleımіz jáne olardyń úlken jetіstіkterge jetetіnіne senemіz», - delіngen «Terrıkon alqaby» Instagram paraqshasynda.
Alaqan jobasy – alaqannyń tamyrlaryn tanýǵa arnalǵan bıometrııalyq júıe.
Smartestprep – kolledjde keńes berý men emtıhanǵa daıyndalýǵa arnalǵan jeke platforma, ol túlekterge baǵyty men qalaýlaryna negіzdelgen ýnıversıtetter men baǵdarlamalardy usynady.
Med365 medıtsınalyq tekserýdіń avtomattandyrylǵan júıesі medıtsınalyq tekserýdі avtomattandyrýǵa jáne tsıfrlandyrýǵa baǵyttalǵan, bul onyń sapasy men jyldamdyǵyn arttyrýǵa múmkіndіk beredі.
Al, NEO (Space lab) 3D tehnologııasyn qoldana otyryp, shet tіlderіn oqytýdyń anımatsııalyq formatyn usynady.
AQSh-ta oqytý Qazaqstan men Dúnıejúzіlіk banktіń, TSıfrlyq damý, ınnovatsııalar jáne aeroǵarysh ónerkásіbі mınıstrlіgіnіń bastamasy, sondaı-aq Astana Hub-tyń Draper University-men yntymaqtastyǵy arqasynda múmkіn boldy.