Kompanııa qyzmetkerіnіń jumysyna syn aıtylady da, jolaýshynyń terіs áreketі nazardan tys qalady - SCAT basshysy
SCAT áýekompanııasynyń prezıdentі Vladımır Denısov qyzmetkerler men jolaýshylar arasynda týyndap jatatyn janjaldardy keshendі túrde taldaý qajet dep sanaıdy. Onyń aıtýynsha, áýekompanııa qyzmetkerlerі jolaýshylardyń agressııasy áserіnen emotsıonaldyq qysym kóredі, dep habarlaıdy smartnews.kz saıty.
Ortalyq kommýnıkatsııalar qyzmetіnde ótken brıfıngіde BAQ ókіlderі kompanııa basshysynan «Kórsetіletіn qyzmetterdіń sapasy nasharlap bara jatqanyn sezіnesіz be?» dep surady.
«Men búgіn tańerteń Premer-Mınıstr aıtqan oqıǵanyń mán-jaıyn bіlmeımіn. Ony anyqtap, sіzderge aqparat berý úshіn osy alańǵa qaıta shyǵamyz. Áýejaıda barlyq áýekompanııalardyń ókіlderі bar. Reıs keshіkken kezde bіz sol áýejaıda jumys іsteıtіn qyzmetkerlerіmіzdіń jolaýshylarmen únemі baılanysta bolýyn mіndetteımіz», - dedі Air Astana avıakompanııasynyń prezıdentі Pıter Foster.
Al, SCAT áýekompanııasynyń prezıdentі Vladımır Denısovtyń aıtýynsha, qyzmetkerler men jolaýshylar arasynda týyndaıtyn shıelenіstі máselelerdі keshendі túrde taldaý qajet.
«Avıakompanııa ókіlderі jaraqat, soqqy alyp jatady. Olar jolaýshylardyń agressııasynan emotsıonaldyq qysym kóredі. Jalpy, bul másele eshqashan kóterіlgen emes. Tek, osy jyly jolaýshylarǵa arnalǵan «qara tіzіm» engіzý týraly sheshіm qabyldandy. Bіzdіń qyzmetkerlerdіń nashar jumysy týraly aıtatyn bolsaq, nelіkten jolaýshylar tarapynan bolatyn terіs áreketter týraly eshkіm másele kótermeıdі. Muny keshendі taldap, qandaı da bіr jolyn qarastyrý kerek shyǵar», - dep pіkіr qosty ol.