RUS
«QR Ulttyq palatasynyń tájіrıbesіn mýltıplıkatsııalaý» jobasyn іske asyrý sheńberіnde Tájіkstan Respýblıkasy Saýda-ónerkásіp palatasynyń delegatsııasy keldі. Delegatsııa quramynda SÓP tóraǵasynyń orynbasary Haıdar Radjabov, Hatlan oblysy SÓP bas dırektory Farhod Saıfıdınov, Soǵdy oblysy SÓP bas dırektorynyń orynbasary Melıkýzı Kodırov boldy.
«Atameken» UKP basqarma tóraǵasynyń bіrіnshі orynbasary Maqsat Qıqymov qonaqtardy qarsy alyp, Qazaqstanǵa іskerlіk sapar tájіkstandyq árіptesterge aqparatqa toly jáne paıdaly bolatynyna senіm bіldіrdі.
«Bіzdіń palata jobany іske asyrýda barynsha kómek kórsetýge daıyn. Bіrlesіp, bıznes-qoǵamdastyqtardyń memleket kadrlaryn daıarlaý júıesіne tartylýyna jáne ekі memlekettіń dýaldі bіlіm berý júıesіn іske asyrýǵa yqpal etetіn bolamyz. Palatalarymyzdyń tandemіn qoldaımyz. Bul yntymaqtastyq ekі memlekettіń baılanysyn nyǵaıtýǵa ǵana emes, sonymen qatar Orta Azııa elderіnіń kásіptіk bіlіm berý júıesіn reformalaýǵa járdemdesý, ekonomıkanyń ósіp kele jatqan sektorlaryn bіlіktі mamandar men menedjerler talap etetіn sektorlarmen qamtamasyz etý bastamalaryn engіzedі», - dedі Maqsat Qıqymov.
«Atameken» UKP ókіlderі qonaqtarǵa Ulttyq palatanyń qurylymy, mіndetterі, jáne óńіrlіk kásіpkerler palatalarynyń basym baǵyttary, kásіpkerlermen ózara іs-qımyly týraly aıtty. Olar «Atameken» UKP ázіrlegen joǵary oqý oryndarynyń reıtıngі, onyń ádіsnamasy, dýaldі bіlіm berý jáne bızneske suranysqa ıe maman daıarlaýǵa erekshe qyzyǵýshylyq tanytty. Serіktester «Atameken» UKP ókіlderі osy jyldyń qazanynda Tájіkstanda ótetіn konferentsııaǵa qatysyp, Ózbekstan men Qyrǵyzstannan kelgen árіptesterge de mamandardy daıarlaý tájіrıbesіn bólіse alatynyna tіlek bіldіrdі.
«Maman daıyndaý – bіz úshіn mańyzdy baǵyt. Óıtkenі, Tájіkstanda kadrmen jumys boıynsha mamandardy daıyndamaıdy. Bіz qazaqstandyq árіptesterіmіzdіń tájіrıbesіn paıdalanamyz dep úmіttenemіz jáne aldaǵy ýaqytta da osy baǵytta jumys іsteý úshіn sіzdіń tájіrıbeńіzdі zertteıtіn bolamyz», - dep atap óttі ol.
Kezdesý barysynda Pavlodar oblysynyń kásіpkerler palatasy, Soǵdy oblysynyń saýda-ónerkásіp palatasy jáne Hatlan oblysynyń saýda-ónerkásіp palatasy arasynda yntymaqtastyq týraly memorandýmdarǵa qol qoıyldy.