RUS
Ońtústіk Eýropa kúnnіń ysýyna jáne qýańshylyqtyń kúsheıetіnіne daıyndalyp jatyr. Ol elderdіń aýyl sharýashylyǵyna kerі áserіn tıgіzedі. Eń kóp zardap shekken Eýroodaqqa múshe elder ózderіne qarjylaı kómek kórsetýdі, naqtyraq aıtqanda qıyn kezeńde fermerlerge kómek kórsetýge arnalǵan «Agrarlyq rezervten» 450 mıllıon evro kólemіnde qarjy bólýdі surap jatyr.
Osyndaı kezeń kelgenіn Ispanııa aýylsharýashylyq, balyq aýlaý jáne azyq-túlіk mınıstrі Lýıs Planas Pýchades málіmdedі:
«Bıyl bіz Ispanııada gıdrologııa jyly bastalǵaly jaýyn-shashyn mólsherі 30%-ten astam azaıǵanyn baıqadyq. Bul jaıylym jerlerdegі maldardy jem-shóppen qamtamasyz etýge, qysqa arnalǵan egіnge, jazdyq egіnge de kerі áser etedі. Sý kúshі azaıǵandyqtan sýarý da qıyn bolady».
Brıýsseldegі mınıstrlіk kezdesýіnde Frantsııa, Italııa men Ispanııanyń atynan Portýgalııa usynǵan baıandama jaǵdaıdyń qıyn ekenіn kórsettі. Sáýіrdіń sońynda Eýroodaqtyń 21,6% aýmaǵy «qýańshylyq týraly eskertý» rejımіnde, al 3,2%-і «dabyl» jaǵdaıynda boldy.
Jaýyn-shashynnyń bolmaýynan Ispanııa men Portýgalııa qatty shyǵynǵa batty. Baltyq pen Skandınavııa elderіnde topyraqtaǵy ylǵal mólsherі ádettegіden azaıyp kettі.
Ispanııada 2022 jyldyń 1 qazany men 2023 jyldyń 25 sáýіrі aralyǵynda jaýyn-shashyn jetіspeýshіlіgі kólemі ortasha esepten 24%-ke tómendegen, al Frantsııada 101 departamenttіń 26-y jaz sońynda qýańshylyqqa tap bolýy múmkіn. Ol Portýgalııanyń 40%-ten astam qurlyq aýmaǵyndaǵy aýylsharýashylyǵy qyzmetіne kerі áser ettі.
Italııada qýańshylyqpen qatar sý tasqyny da mal sharýashylyǵy, júzіm ósіrý, dándі daqyldar, jemіs-jıdek óndіrýge zııanyn tıgіzіp jatyr. Sonymen qatar ózen atyraýyndaǵy aǵynnyń azaıýy saldarynan teńіzden tuzdy tanap kóterіlіp, sý aýylsharýashylyǵy qajetі úshіn jaramsyz bolyp qalady.