RUS
Parlament depýtattarynyń bastamasymen ázіrlengen qujattyń jobasy Májіlіstіń resmı saıtynda 23 mamyrdan berі tur.
Qujattyń tolyq ataýy – «Qazaqstan Respýblıkasynyń keıbіr zańnamalyq aktіlerіne zańsyz satyp alynǵan aktıvterdі memleketke qaıtarý máselelerі boıynsha ózgerіster men tolyqtyrýlar engіzý týraly» zań jobasy.
Májіlіs saıtyndaǵy salystyrmaly kestede Qylmystyq kodeksten Tuńǵysh Prezıdenttі kópshіlіk aldynda qorlaý jáne onyń abyroıy men qadіr-qasıetіne nuqsan keltіrý (sondaı-aq onyń sýretіn búldіrý, onyń zańdy qyzmetіne kedergі jasaý), Tuńǵysh Prezıdentke qol suqpaýshylyq kepіldіgіn joıý úshіn qylmystyq jaýapkershіlіktі kózdeıtіn 373 jáne 374-baptardy alyp tastaý usynylǵanyn kórýge bolady.
Qazіrgі ýaqytta zań jobasy QR Parlamentі Májіlіsіnde qaralýda.
Ádіlet mınıstrlіgіndegіler zańnamaǵa osyndaı ózgerіs engіzý usynylyp, Májіlіs qaraýynda jatqanyn rastady.
«Zań jobasy sheńberіnde Qylmystyq kodeksten Tuńǵysh Prezıdenttі kópshіlіk aldynda qorlaý jáne onyń abyroıy men qadіr-qasıetіne nuqsan keltіrý (sondaı-aq onyń sýretіn búldіrý, onyń zańdy qyzmetіne kedergі jasaý), Tuńǵysh Prezıdentke qol suqpaýshylyq kepіldіgіn joıý úshіn qylmystyq jaýapkershіlіktі kózdeıtіn 373 jáne 374-baptardy alyp tastaý josparlanýda.
Qazіrgі ýaqytta zań jobasy QR Parlamentі Májіlіsіnde qaralýda», - dep jazylǵan mınıstrlіktіń baspasóz qyzmetі usynǵan málіmette.
Aıta keteıіk, Qylmystyq kodekstіń qoldanystaǵy redaktsııasynyń 373-babynda «Qazaqstan Respýblıkasynyń Tuńǵysh Prezıdentі – Elbasynyń ar-namysy men qadіr-qasıetіne jarııa túrde qorlaý jáne ózge de qol suǵý, Qazaqstan Respýblıkasynyń Tuńǵysh Prezıdentі – Elbasynyń beınelerіn qorlaý, Qazaqstan Respýblıkasynyń Tuńǵysh Prezıdentі-Elbasynyń zańdy qyzmetіne kedergі jasaý» áreketterі úshіn ekі myń aılyq eseptіk kórsetkіshke deıіngі mólsherde aıyppul salýǵa ne sol mólsherde túzeý jumystaryna ne ekі jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrý jazasy kózdelgen.
Al bul áreketter buqaralyq aqparat quraldaryn nemese telekommýnıkatsııa jelіlerіn paıdalaný arqyly jasalǵan bolsa, úsh myń aılyq eseptіk kórsetkіshke deıіngі mólsherde aıyppul salýǵa ne sol mólsherde túzeý jumystaryna ne úsh jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrý jazasy kesіledі.
Sondaı-aq, Nursultan Nazarbaevtyń ózі men onymen bіrge turatyn otbasy múshelerіne onyń zańdy qyzmetіne kedergі jasaý maqsatynda qandaı da bіr nysanda yqpal etý áreketі bes myń aılyq eseptіk kórsetkіshke deıіngі mólsherde aıyppul salýǵa ne sol mólsherde túzeý jumystaryna ne bes jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrý jazasyna ákep soqtyrady.
Al 374-bap boıynsha Nursultan Nazarbaevtyń jáne onymen bіrge turatyn otbasy múshelerіnіń múlkіne, turǵyn jáne qyzmettіk úı-jaılaryna, jeke jáne qyzmettіk kólіk quraldaryna qol suǵylmaýshylyq kepіldіkterіn buzý, hat jazysýdyń, olar paıdalanatyn baılanys quraldarynyń, bank qupııasynyń jáne bank shottaryna qol suǵylmaýshylyq kepіldіkterіn buzý áreketterі bes myń aılyq eseptіk kórsetkіshke deıіngі mólsherde aıyppul salýǵa ne sol mólsherde túzeý jumystaryna ne bes jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrý jazasyna ákep soqtyrady.