RUS
«Bul – joba. Onyń aıasynda aıtylyp otyrǵan usynys mіndettі tekserýdі kózdemeıdі. Árbіr jas jup nekege turmas buryn erіktі túrde osy tekserіsten ótіp, densaýlyq jaǵdaıy týraly tolyq aqparat ala alady. Alynǵan málіmetterdіń nátıjesі jіgіt nemese qyzdyń qolyna berіledі. Ol nekenі árі qaraı jalǵastyrmaý kerek degen shekteý emes. Nekege turýǵa tyıym salynbaıdy», - dep túsіndіrdі OKQ-de ótken brıfıngіde Analar densaýlyǵyn qorǵaý basqarmasynyń basshysy Shakızat Halyqova.
Spıkerdіń paıymynsha, atalǵan joba josparly júktіlіkke baǵyttalǵan. Eger aldyn ala medıtsınalyq tekserýden ótken kezde er adamnan nemese qyzdyń densaýlyǵynda dert anyqtalsa, oǵan em usynylady. Ol neke kezіnde bolýy múmkіn terіs saldardyń aldyn alýǵa arnalǵan.
Eske sala keteıіk, taıaýda Densaýlyq saqtaý mınıstrlіgі jastarǵa neke qurmas buryn bedeýlіkke arnaıy medıtsınalyq tekserýden ótýdі usynǵan bolatyn.