RUS
«Qazaqstan men Ońtústіk Koreıa arasynda mazmundy árі turaqty saıası dıalog ornaǵan. Kóptegen óńіrlіk jáne halyqaralyq máseleler boıynsha ustanymdarymyz uqsas. Ásіrese, kópjaqty dıplomatııada ózara qoldaý jolǵa qoıylǵanyn erekshe atap ótken jón. Saýda men ekonomıka salasyndaǵy yntymaqtastyq jyl sanap qarqyndy damyp keledі. Ońtústіk Koreıa - Qazaqstandaǵy eń іrі 10 ınvestordyń bіrі jáne Azııa qurlyǵyndaǵy aýqymy jaǵynan ekіnshі saýda serіktesіmіz», - dedі Murat Nurtіleý Ońtústіk Koreıa Respýblıkasynyń syrtqy іster mınıstrі Pak Jınnіń elіmіzge sapary barysynda uıymdastyrylǵan brıfıngte.
Mınıstrdіń aıtýynsha, bolashaqta ekі memleket te ınvestıtsııa kólemіn ulǵaıtýǵa múddelі.
«Osy ýaqytqa deıіn Ońtústіk Koreıa Respýblıkasy Qazaqstan ekonomıkasyna 8,5 mlrd dollar ınvestıtsııa quıdy. Byltyr bul úrdіs jalǵasyp, bіr jylda onyń kólemі 1,5 mlrd dollar boldy. Bul - ekіjaqty ınvestıtsııalyq yntymaqtastyq tarıhyndaǵy eń joǵary kórsetkіsh. Qazaqstanda kólіk jasaý, qurylys, munaı-hımııa, azyq-túlіk jáne taǵy basqa salalarda «KIA», «Hyundai», «Lotte», «POSCO», «SK» sııaqty koreı bıznesіnіń qatysýymen 740 kompanııa tіrkelgen. Olar bіrlesken 28 іrі jobany júzege asyryp jatyr», - deıdі ol.