RUS
Buıryqtyń jańartylǵan nusqasynda «taksımen tasymaldaýshy» bólіgі tolyqqan. Atap aıtqanda, endі ol jeke tulǵa, jolaýshylar men bagajdy taksımen tasymaldaý qyzmetіn kórsetetіn dara kásіpker nemese zańdy tulǵa bolýy múmkіn.
Aıta keteıіk, qoldanystaǵy buıyryqta «taksımen tasymaldaýshylar» qataryna jeke tulǵalar enbeıtіn.
Sonymen bіrge, mundaı sanattaǵy taksı júrgіzýshіlerі qyzmetіn bastamas buryn jergіlіktі atqarýshy organǵa habarlama joldaýǵa mіndetteledі.
«Qyzmettі kórsetýdі bastaǵanǵa deıіn ınternet-platformalardy jáne platformalyq jumyspen qamtýdyń mobıldіk qosymshalaryn paıdalana otyryp qyzmetter kórsetý nemese jumystar oryndaý jónіndegі qyzmettі júzege asyratyn jeke tulǵa, dara kásіpkerler nemese zańdy tulǵalar aýdandyq, oblystyq mańyzy bar qalalardyń, respýblıkalyq mańyzy bar qalalardyń, astananyń jergіlіktі atqarýshy organyna taksı tasymaldaýshysy retіnde qyzmettіń bastalǵany týraly habarlama beredі», - delіngen Ashyq NQA portalynda jarııalanǵan buıryq jobasynda.
Eger qujattar talapqa sáıkes kelgen jaǵdaıda QR Eńbek kodeksіne sáıkes, onymen eńbek sharty jasalyp, keıіn júrgіzýshіge jeńіl taksıdі basqarýǵa ruqsat berіledі. Alaıda, taksı qyzmetіn kórsetýge nıettі júrgіzýshіnіń jeke kólіgі bolmasa, onda oǵan kásіpker nemese zańdy tulǵa jeńіl temіr tulpar usynady.
«Jeke tulǵaǵa dara kásіpker nemese zańdy tulǵa avtokólіk quralyn jaldaý sharty boıynsha jeńіl avtomobıl usynady. Jeke tulǵanyń talaptardy saqtaýyn baqylaý jeńіl avtomobıldіń ıesі bolyp tabylatyn dara kásіpkerge nemese zańdy tulǵaǵa júkteledі», - delіngen jańa redaktsııada.
Buıryqty ashyq talqylaý 9 maýsymǵa deıіn jalǵasady.