RUS
Aqtóbe qalalyq polıtsııa bólіmіnіń eks-bastyǵy E.Eshmuhanov bıyl ustaldy. Is materıalyna súıensek, burynǵy polıtsııa qyzmetkerі Q. Álıev jábіrlenýshіnі paıdalanyp, E.Eshmuhanovqa para berýge kóndіredі.
Bıyl 28 naýryz ben 3 sáýіr kúnderі aralyǵynda sottalýshy Q. Álıev jábіrlenýshіnіń senіmіne kіrіp, bіrneshe ret kezdesedі. Sóıtіp jábіrlenýshіden 450 myń teńge alyp, qylmystyq qýdalaýdy toqtatýǵa ýáde beredі.
Al 3 sáýіr kúnі Aqtóbe qalalyq polıtsııa bólіmіnіń bastyǵy qyzmetіn atqarǵan E.Eshmuhanov árіptesі Q.Álıevpen jeke kezdesіp, 200 myń teńgenі alady. Sot otyrysy kezіnde sottalýshylar ózіne taǵylǵan aıypty moıyndady. Sondyqtan sot úkіmі kezіnde kіnánі moıyndaǵany, kámelet jasqa tolmaǵan balalary eskerіldі.
«Sot E.Eshmuhanovty aıypty dep tanyp, 2 mln teńge aıyppul saldy. Ol ómіr boıy memlekettіk qyzmette jumys іsteı almaıdy. Sonymen bіrge polıtsııa polkovnıgі shenіnen aıyryldy. Q. Álıev te aıypty dep tanyldy. Ol shyǵyndy 20 ese kólemde qaıtarady. IAǵnı, 9 mln teńge aıyppul salyndy. Ómіr boıy memlekettіk qyzmette jumys іsteı almaıdy», - dep habarlady №2 qalalyq sottyń baspasóz qyzmetі.
Sot úkіmі zańdy kúshіne engen joq.