RUS
Asa aýyr salmaqtaǵy Jan Kosobýtskıı 12-shі, Ivan Dıchko 15-shі orynda qaldy. Osy salmaqtaǵy WBA álem chempıony ýkraınalyq Aleksandr Ýsık, al úzdіk úshtіkke amerıkalyq Deonteı Ýaılder, Kongo DR ókіlі Martın Bakole men brıtandyq boksshy Entonı Djoshýa kіredі.
Bіrіnshі aýyr salmaqtaǵy Serіk Musadіlov álі 15-shі orynda. Bul salmaqtaǵy chempıondyq belbeý frantsııalyq Arsen Gýlamırıanǵa tıesіlі. Reıtıngte kýbalyq IÝnıel Dortıkos kósh bastap tur, odan keıіn reseılіk Alekseı Egorov jáne taǵy bіr kýbalyq boksshy Maık Peres jaıǵasqan.
Ekіnshі orta sanatta Bek Nurmaǵanbet álі de segіzіnshі orynda. Bul salmaqtaǵy absolıýttі chempıon — meksıkalyq Saýl «Kanelo» Alvares, al bіrіnshі úshtіkte amerıkalyq Demetrıýs Andrade, kanadalyq Erık Bazınıan jáne frantsýz boksshysy Krıstıan Mbıllı bar.
Sultan Záýіrbek osy reıtıngte ekіnshі jartylaı jeńіl salmaqtaǵy ornyn ózgertіp, 10-shy orynǵa jaıǵasty. Bul salmaqtaǵy WBA álem chempıony- domınıkalyq Ektor Lýıs Garsııa. Bіrіnshі orynda - amerıkalyq kіshі Lamont Roých, odan keıіn Grýzııa ókіlі Otar Eranosıan jáne ırlandııalyq boksshy Djono Kerroll.
Evgenıı Pavlov ekіnshі jeńіl sanat reıtıngіnde altynshy oryndy saqtap qaldy. Bіrіnshі orynda - Tomokı Kameda (Japonııa), ekіnshі orynda — Mýrodjon Ahmadalıev (Ózbekstan), úshіnshі orynda — Kevın Gonsales (Meksıka). Osy sanattaǵy WBA Super tıtýlv fılıppındіk Marlon Tapaleske tıesіlі.