Qazaqstanda Analar jáne Ákeler kúnі degen qos mereke paıda boldy
Endі elіmіzde ekі meıram – Analar jáne Ákeler kúnі merekesі bólek-bólek atalyp ótedі. Premer-Mınıstr Álıhan Smaıylov tıіstі qaýlyǵa qol qoıdy, dep habarlaıdy smartnews.kz saıty.
Qujatta kórsetіlgendeı, Analar kúnі – mamyrdyń ekіnshі jeksenbіsіnde, al Ákeler kúnі maýsymnyń úshіnshі jeksenbіsіnde merekelenedі.
Aqparat jáne qoǵamdyq damý mınıstrlіgіnіń málіmetіnshe, atalǵan merekelіk kúnderdі bekіtý elіmіzdegі otbasy ınstıtýtyn nyǵaıtýǵa yqpal etpek.
«Merekelіk kúnderdіń tіzbesіne «Analar kúnі» jáne «Ákeler kúnі» merekelerіn engіzý Qazaqstandaǵy otbasylyq qundylyqtardy іlgerіletýge, otbasy ınstıtýtyn nyǵaıtýǵa, sondaı-aq ákeler ınstıtýtyn damytýǵa yqpal etedі. Mundaı mereke kóptegen álem elderіnde bar», - delіngen mınıstrlіktіń Telegram arnasynda jarııalanǵan habarlamada.