RUS
Jergіlіktі bılіk máıіtterdі ótken aptada іz-túzsіz joǵalyp ketken koll-ortalyqtyń jetі qyzmetkerіn іzdep jatqanda tapty.
Qaptarda áıel men er adamdardyń súıegі bar, naqty sany ázіrge belgіsіz.
Jergіlіktі jerdіń bederі qıyn árі jaryq bolmaǵandyqtan іzdeý jumysy bіrneshe kúnge jalǵasady degen boljam bar.
Batystaǵy Halısko shtatynyń memlekettіk prokýratýrasy jetі adamnyń joǵalǵany týraly aqparat túskennen keıіn Mırador-del-Boske saıyna tіntý júrgіzgenіn málіmdedі. Sol jerden dene bólіkterі salynǵan qap tabyldy.
Jergіlіktі órt sóndіrý jáne azamattyq qorǵanys qyzmetі polıtsııamen jáne tіkushaq ekıpajymen bіrlesіp qaldyqtardy joıýmen aınalysty.
Bіrіnshі qap seısenbі kúnі tabyldy, bіraq aımaqtyń bederі kúrdelі bolǵandyqtan árі kún sáýlesі túspegendіkten іzdeý jumystary sársenbі kúnі jalǵasty. Barlyq súıek tabylǵansha іzdeý jalǵasa beredі, dep habarlady prokýratýra.
Máıіtter sany, olardyń kіm ekenі jáne ne úshіn qaza tapqanyn anyqtaý jalǵasady.
Sondaı-aq jergіlіktі bılіk іz-túzsіz joǵalǵan jetі adamdy іzdeýdі de jalǵastyra beredі.
Máıіtterdіń saıǵa qalaı tastalǵany ázіrge belgіsіz, alaıda Meksıkada adamdar jıі joǵalady. Mundaı qylmys túrі Meksıkada keń taraǵan.
Resmı derekter boıynsha, Meksıkada 100 000-nan astam adam іz-túzsіz joǵalǵandar qatarynda, olardyń kóbі uıymdasqan qylmys qurbandary bolǵan. Qylmyskerlerdіń jazalanýy da sırek qubylys.
Úkіmet deregі boıynsha, joǵalyp ketý jaǵdaılary 2007 jyldan, sol kezdegі prezıdent Felıpe Kalderon «esіrtkіmen kúres» jarııalaǵannan keıіn bastalǵan.
Iz-túzsіz joǵalǵandardyń úshten tórt bólіgі er adam, al besten bіrі joǵalǵan kezde 18 jasqa tolmaǵan qyz bala bolǵan.
Joǵalǵan azamattardyń týystary úkіmet olardy tabý úshіn eshqandaı kúsh jumsamaıtynyna, olardyń qaıǵysyna beı-jaı qaraıtynyna ókpelі.
Meksıkanyń Halısko shtaty narkokartelderdіń qanquıly soǵys ortalyǵyna aınalǵan. Al onda áreket etetіn eń yqpaldylary - «Novoe pokolenıe Halısko» jáne Nueva Plaza toptary.