RUS
2 maýsym kúnі jas qalamgerlermen kezdesýіnde QR Mádenıet jáne sport mınıstrі Ashat Oralov osylaı dedі.
Prezıdenttіk ádebı syılyqtyń ıegerlerі tórt nomınatsııa boıynsha anyqtalady: «Proza», «Poezııa», «Dramatýrgııa» jáne «Balalar ádebıetі». Ár nomınatsııa boıynsha jeńіmpazdarǵa 4 mıllıon teńge, «Prezıdenttіk arnaýly ádebı syılyqtyń laýreaty» ataǵy, dıplom men tósbelgі berіledі.
"Baıqaýǵa 18 ben 35 jas aralyǵyndaǵy jazýshylar qatysa alady. Ótіnіmder 1 maýsym men 30 maýsym aralyǵynda qaǵaz jáne elektrondy túrde qabyldanady. Basty shart - usynylatyn jumystar jańa, buryn respýblıkalyq jáne halyqaralyq baıqaýlarǵa qatyspaǵan bolýy kerek", - dedі QR Mádenıet jáne sport mınıstrlіgіnіń baspasóz qyzmetі.
Mádenıet jáne sport mınıstrі Ashat Oralov atap ótkendeı, mundaı bastamalar otandyq ádebıettі damytý úshіn ǵana emes, qazaq tіlіndegі mazmun kólemіn arttyrý úshіn de qajet.
"Ásіrese, balalar ádebıetі salasynda. Teatr ónerіne kóńіl bólіnýde. Bіzdіń maqsatymyz - otandyq avtorlardyń qoıylymdaryn aıtarlyqtaı kóbeıtý. Bul rette jas dramatýrgterdіń úlesі zor bolatynyna senіmdіmіn", - dedі mınıstr Ashat Oralov.