Májіlіs depýtaty otandyq ónіmderden ǵana úı salatyn ıpotekalyq baǵdarlama ashýdy usyndy

«Úkіmetke túrlі salalar boıynsha halyq tabysynyń artýyna tіkeleı áser ete alatyn ózge de qosymsha keshendі máselelerdі qarastyrýdy usynamyz. Bіrіnshі eń іrі sala – ekonomıkany damytýdyń draıverі sanalatyn turǵyn úı qurylysy. Bul jerde bіzge qurylys kompanııalarynan tek qazaqstandyq materıaldy ǵana paıdalanýdy talap etetіn jańa ıpotekalyq baǵdarlama kerek. Onyń ekonomıkaǵa tıgіzetіn áserіn ózderіńіz jaqsy bіlesіzder», - dedі ol.

Depýtat aýyl sharýshaylyǵyn Kanadanyń tásіlіmen damytýǵa bolatynyn aıtady.

«Ekіnshіsі – agroónerkásіp keshenіn damytý. Ózge elderdіń tabysty tájіrıbesіn zerdeleý kerek. Mysaly, Kanada tájіrıbesі bar. Ol elde memlekettіk aýylsharýashylyq kásіporyn tapsyrys berýshі retіnde de, satyp alýshy retіnde de qatysady. Mundaı júıede memlekettіk satyp alý bekіtіlgen baǵa boıynsha júrgіzіledі. Aýylsharýashylyq ónіm satylǵannan keıіn tabystyń 80 paıyzyna deıіn óndіrýshіlerge qaıtarylady», - dedі Mádı Tákıev.

Sondaı-aq, ol tranzıttіk tasymaldy damytý arqyly myńdaǵan jumys oryndaryn qurýǵa bolatynyn eske saldy.

«Úshіnshіsі – kólіk áleýetіn damytý. Búgіnde bіzdіń eldіń tranzıt áleýetі joǵary ekenіn túsіnіp otyrmyz. Qazaqstan halyqaralyq avtomobıl tasymaldaýshylar odaǵy jalpy parkі 7 myń júk kólіgіne jetken 350-deı kompanııa bar ekenіn aıtyp otyr. Bіz bul salada úlken logıstıkalyq habqa aınala alar edіk. Sonyń arqasynda myńdaǵan jumys orny ashylady», - dedі Májіlіs depýtaty.