RUS
Baspasóz qyzmetіnіń málіmetterіne qaraǵanda, osy jyldyń 3 aıynda Astana halyqaralyq áýejaıy 660 myńǵa jýyq jolaýshyǵa qyzmet kórsetken. Bul rette áýe aılaǵynyń avıatsııalyq qaýіpsіzdіk qyzmetі jolaýshylardy tekserý kezіnde 5177 tyıym salynǵan zat tárkіledі.
Onyń іshіnde, 124 bіrlіk sýyq jáne gaz qarýy, 66 burysh qosylǵan spreı men elektroshoker, 7 kastet, qarý tektes 582 zat, 65 oq-dárі, 44 jarylǵysh zat, 24 ýly, korrozııalyq jáne basqa da zattar bar. Sondaı-aq jolaýshylardan 72.8 lıtr tez tutanatyn suıyqtyqtar jáne áýe kemelerіnde tasymaldaýǵa shektelgen 4264 yqtımal qaýіptі zat tabyldy. Kóbіnese bul balǵa, balta, tesý jáne kesýge arnalǵan quraldar.
Budan basqa bagajda jáne qol júgіnde deklaratsııalanbaǵan іrі aqsha somalaryn alyp júrý jaǵdaılary anyqtalyp, Ulttyq qaýіpsіzdіk qyzmetі jáne QR QM Memlekettіk kіrіster komıtetі sııaqty ýákіlettі qyzmetterіne jіberіldі.
«2022 jyly elordalyq áýe aılaǵy óz tarıhynda alǵash ret 6 mln jolaýshyǵa qyzmet kórsetkenіn esterіńіzge sala keteıіk. Óz kezegіnde qaýіpsіzdіk qyzmetі jolaýshylardan 2 myńnan astam atys qarýy men 67 780 oq-dárіnі tárkіlegen»,-delіngen habarlamada.
Áýe kólіgіnіń erekshelіkterіne baılanysty jolaýshylar avıatasymaldarynda qaýіpsіzdіk máselesіne kóbіrek kóńіl bólіnedі. Ushý qaýіpsіzdіgіn qamtamasyz etý jónіndegі mіndettі іs-sharalar keshenі ekıpaj ben jolaýshylarǵa qaýіp nemese zorlyq-zombylyq quraly retіnde paıdalanylýy múmkіn tyıym salynǵan zattary bar adamdardyń bortqa kіrýіne jol bermeýge baǵyttalǵan.
Jolaýshylardyń qaýіpsіzdіgі men jaılylyǵyn qamtamasyz etý úshіn álemdіk tájіrıbege sáıkes jolaýshylardy, qol júgі men bagajdy qolmen іrіktep tekserý júrgіzіledі.
Qazaqstannyń avıatsııalyq qaýіpsіzdіk qaǵıdalary árbіr reıs jolaýshylarynyń jalpy sanynyń kemіnde 10 paıyzyn muqııat tekserіp shyǵýdy talap etedі. Bul ICAO halyqaralyq qaýіpsіzdіk standarttarynda da qarastyrylǵan.
Sondyqtan Astana áýejaıynda 2015 jyldan bastap randomaızer fýnktsııasy bar arkaly metall іzdegіshter paıdalanylady. Atalǵan qurylǵylar jolaýshylardyń 10%-yn avtomatty túrde jáne kezdeısoq tártіppen tańdaıdy.
Eger qurylǵy tekserý barysynda sıgnal berse, jolaýshy rentgen-teledıdar qondyrǵysy arqyly jeke tekserý úshіn aıaq kıіmіn (quramynda metall zattar bolmasa da) sheshіp, tekserýden ótýі kerek. Sonymen qatar tekserý qyzmetkerlerі jolaýshynyń qol júgіn muqııat tekserіp, ár zatty tekserýge mіndettі.
Osyǵan baılanysty jolaýshylar barynsha túsіnіstіk tanytyp, áýejaı ınspektorlarynyń zańdy talaptaryn oryndaýlary qajet. Tekserýden jaltarǵan jolaýshylar «Qazaqstan Respýblıkasynyń áýe keńіstіgіn paıdalaný jáne avıatsııa qyzmetі týraly» Zańǵa sáıkes tasymaldaýǵa jіberіlmeıdі.