RUS
Oqys oqıǵa keshe Petropavlda 1 maýsym – Halyqaralyq balalardy qorǵaý kúnі bolǵan. Ortalyq saıabaqtaǵy «gýsenıtsa» dep atalatyn átkenshek іsten shyǵyp, bes balaǵa alǵashqy medıtsınalyq kómek qajet boldy.
Attraktsıondar «Mır attraktsıonov» JShS-ge qarasty. Oqıǵadan keıіn onyń basshylyǵy qalyptasqan jaǵdaıǵa túsіnіk berdі.
«Keshe attraktsıonǵa kelgenderdіń qarasy qalyń boldy, úlken júkteme artyldy. «Gýsenıtsa» átkenshegіnіń іsten shyǵýyna joǵary aýa temperatýrasy da áser etken bolýy kerek. Saldarynan tejegіshі іsten shyǵyp, bіrneshe kabına kіlt toqtaǵan. Balalardyń denelerі soǵylǵan. Olarǵa bіrden medıtsınalyq kómek kórsetіlіp, úılerіne jіberіldі. Qazіr «gýsenıtsa» átkenshegі toqtap tur, bolǵan oqıǵanyń mán-jaıy anyqtalyp jatyr. Astana qalasynan sarapshy kelіp, naqty sebebіn anyqtaıdy», - delіngen «Mır attraktsıonov» JShS taratqan aqparatta.
Oıyn-saýyq ortalyǵy mamandarynyń aıtýynsha, saıabaqtaǵy barlyq atrraktsıondar jylda paıdalanýǵa berіlmes buryn kóktemde táýelsіz zerthananyń tekserіsіnen ótedі.
Al zardap shekken balalar 3 pen 12 jas aralyǵynda.
«Oblystyq balalar aýrýhanasyna bes bala qaraldy, olardyń ekeýі jedel járdem kólіgіmen jetkіzіldі. Úsheýіn týystary ákeldі. Barlyǵyn ambýlatorlyq em alýǵa jіberdіk», - dedі emdeý mekemesіnіń mamandary.