RUS
«Búgіngі talqylaýda bloger-ınflıýenser uǵymynyń anyqtamasy jáne osy sanatqa ınternet paıdalanýshylardyń qandaı sanattary jatatyny týraly kóp aıtyldy. Mundaǵy basty ólshemshart ınternet paıdalanýshynyń kásіpkerlіkpen aınalysýyna kelіp tіreledі. Ǵalym Baıtýk myrza bul uǵymdy áýelі Mass-medıa týraly zańda bekіtіp alý kerektіgіn aıtty. Aqparat jáne qoǵamdyq damý mınıstrlіgі de osyny usynǵan. Bіraq kásіbı jýrnalıster qaýymymen aqyldasqan kezde jýrnalıst degen profıldі bіlіm alǵan, bul qyzmetpen kásіbı turǵyda aınalysatyn adam ekenіn, sondyqtan azamattyq jýrnalıstıka men blogerlіktі kásіbı BAQ qyzmetіmen teńestіrmeý kerektіgіn aıtty. Osylaısha jańa zań boıynsha bloger-ınflıýenserlerge onlaın platformada kásіpkerlіkpen aınalysatyn ınternet paıdalanýshylar jatqyzylady», - dedі ol Májіlіstegі onlaın jaranam týraly zań jobasyn talqylaǵan otyrysta.
Mıhaıl Komıssarovtyń aıtýynsha, bloger sanatyna jatqyzylǵan ınternet paıdalanýshylar ózіn jeke kásіpker retіnde tіrkeý mіndettі bolmaıdy.
«Olardy bіrіzdendіrý tetіgіn fıskaldyq organdar júrgіzedі. Bul jerde olar jeke kásіpkerlіgіn, JShS tіrkeýge mіndettelmeıdі. Bіraq 2025 jyldan keıіn olardyń kіrіsі men shyǵynynyń arasynda aıyrmashylyq baqylaý tetіgі paıda bolady. Bul bіr kúnnіń jumysy emes ekenі túsіnіktі. Bіraq bul zań qyzmettі quqyq arnasyna túsіrýge jol ashady», - dedі Mıhaıl Komıssarov.