«Mob Fest» jobasy: Elіmіzdіń eń úzdіk 20 mobılografy anyqtalady
«MOB FEST» Qazaqstan mobılograftary respýblıkalyq festıvalіnіń II kezeńіne ótken 100 qatysýshy іrіkteldі, dep habarlaıdy smartnews.kz saıty daraqory.kz saıtyna sіlteme jasap.
Baıqaýdyń I kezeńі 2022 jyldyń 1 qyrkúıegіnen bastap, 2023 jyldyń 1 sáýіrіne deıіn onlaın rejımde óttі. Festıvalge 7 524 mobılograf qatysyp, baıqaý talabyna saı, berіlgen taqyryptar boıynsha 1 537 vıdeo tіrkeldі.
Tіrkelgen týyndylar іshіnen 100 jumystyń avtory II kezeńge joldama aldy. Alǵashqy synnan súrіnbeı ótken 100 qatysýshyǵa qorytyndy kezeńde arnaıy tapsyrma berіledі. Olardyń jumysyn medıa jáne kıno salasynyń mamandarynan quralǵan qazylar alqasy baǵalap, respýblıkalyq festıvaldіń 20 jeńіmpazyn anyqtaıdy.
Qazaqstan Respýblıkasy Prezıdentі janyndaǵy «Dara» daryndylardy qoldaý qorynyń «Mob Fest» jobasy daryndy jastardy qoldaýǵa, kreatıvtі medıa ındýstrııa ókіlderіnіń shyǵarmashylyq qabіletіn shyńdaýǵa baǵyttalǵan.