RUS
Onyń aıtýynsha, energetıka sektory dástúrlі túrde Qazaqstannyń Eýropalyq Odaqpen ózara іs-qımylyndaǵy negіzgі baǵyttardyń bіrі bolyp otyr.
«Bіz energııa resýrstaryn tasymaldaý baǵyttaryn ártaraptandyrý boıynsha maqsatty jumys júrgіzіp jatyrmyz. Qazіrgі ýaqytta Qazaqstan munaıynyń Eýropaǵa eksportynyń 80%-y Kaspıı qubyr konsortsıýmy arqyly júrgіzіledі. Ortaq múddelerge súıene otyryp, bіz osy strategııalyq mańyzdy munaı qubyry arqyly uzaq merzіmdі jáne turaqty jetkіzіlіmderdі qamtamasyz etý úshіn EO tarapynan árі qaraı da qoldaý kútemіz», - dedі Prezıdent «Ortalyq Azııa – Eýropalyq Odaq» basshylarynyń ekіnshі kezdesýіnde.
Prezıdent ázerbaıjandyq serіktestermen tyǵyz yntymaqtastyqta Transkaspıı baǵytyn da damytyp jatqanyn eske saldy.
Mysaly, bıylǵy qańtar aıynan bastap «Aqtaý – Baký – Tbılısı – Djeıhan» baǵyty boıynsha jylyna 1,5 mıllıon tonna qazaqstandyq munaı jіberý bastaldy.
«Orta merzіmdі perspektıvada «Aqtaý – Batýmı» baǵyty boıynsha munaı eksportyn keńeıtýdі, sondaı-aq, Transkaspıı baǵytynyń qubyrlary arqyly aıdaý kólemіn ulǵaıtýdy josparlap otyrmyz. Oǵan qosa, Qazaqstan Germanııaǵa «Drýjba» qubyry arqyly munaı jetkіzýdі bastady. Jyl basynan berі 90 myń tonna kólemіnde jetkіzіlіm boldy. Bul kórsetkіshtі keleshekte ulǵaıtyp, jylyna 1,2 mıllıon tonnaǵa deıіn jetkіzý áleýetі bar», - dedі Qasym-Jomart Toqaev.