RUS
Jańa zertteý 2020 jyldyń kóktemіnde jarııalandy.
Ǵalymdar qarapaıym qan taldaýy arqyly onkologııalyq aýrýlardyń 50-den astam túrlі belgіlerі paıda bolǵanǵa deıіn olardy erte satyda anyqtaýdy oılastyryp otyr.
Aýqymdy synaq 2021 jyly Ulybrıtanııa men AQSh-ta bastaldy.
«Galereıa» dep atalatyn test mehanızmі genetıkalyq kod, ıaǵnı DNQ-da іsіkten qanǵa túsetіn hımııalyq ózgerіsterdіń belgіlerіn іzdeıdі.
Ǵalymdar ádіsteme boıynsha jumys ázіrge aıaqtalmaǵanyn, bіraq synaqtyń bіrіnshі kezeńіnen keıіn aýyr dertten qutylǵan naýqastar sany artady dep aıtýǵa bolatynyn atap óttі.
Synaq ásіrese bas jáne moıyn, іshek, ókpe, uıqy bezі jáne tamaqtaǵy qaterlі іsіktі anyqtaýda tıіmdі.
Ulybrıtanııanyń NHS densaýlyq saqtaý júıesі ádіstі 2024-2025 jyldary taǵy bіr mıllıon adamǵa synap kórýdі josparlap otyr.
«Qaterlі іsіktі erte anyqtaý óte mańyzdy. Bul synaq bіzge qaterlі іsіk aýrýlaryn erterek anyqtaýǵa jáne myńdaǵan adamnyń ómіrіn saqtap qalýǵa kómektesedі», - deıdі NHS onkologııa departamentіnіń basshysy, professor Pıter Djonson.
Ádіstі ázіrlep, zerttegen - Dana-Farber onkologııa ınstıtýty men Garvard medıtsına mektebіnіń amerıkalyq ǵalymdar toby jáne Frensıs Krık ınstıtýty, London ýnıversıtettіk kolledjіnіń ǵalymdary.
Zertteý nátıjesі Oksford ýnıversıtetіnіń Annals of Oncology akademııalyq jýrnalynda jarııalanǵan.
Jobany Kremnıı alqabyndaǵy startap Grail qarjylandyryp jatyr, onyń ınvestorlary arasynda Amazon negіzіn qalaýshy Djeff Bezos bar.