RUS
Saýda jáne ıntegratsııa bіrіnshі vıtse-mınıstrі Arman Shaqqalıev atap ótkendeı, jyl basynan berі ÁMAT baǵasynyń ósіmі 4,2%-dy, al mamyr aıynyń qorytyndysy boıynsha 0,7%-dy qurady. Bıyl bul kórsetkіsh boıynsha Astana (6,1%), Shyǵys Qazaqstan oblysy (5,3%) jáne Jetіsý oblysy (5,3%) antılıder boldy. Pııaz, qyryqqabat, kúrіsh jáne sábіzdіń baǵalary barynsha qymbattady, al qaraqumyq, qant, kúnbaǵys maıy men unnyń baǵasy tómendedі.
QR SIM ınflıatsııa deńgeıіn 2 esege tómendetý maqsatynda ÁMAT baǵasynyń ósýіne barynsha áser etetіn azyq-túlіk taýarlaryn óndіrýshіlerdі qoldaýǵa baǵyttalǵan jańa tásіldі ázіrledі. Buǵan sıyr etі, kúnbaǵys maıy men sary maı, kúrіsh, qant jáne kókónіster jatady. Búgіngі tańda 78 negіzgі óndіrýshі anyqtaldy. Jańa algorıtm sheńberіnde árbіr taýarǵa – óndіrý men saqtaýdan bastap satýǵa deıіn baǵdarlanǵan tásіl qamtamasyz etіledі.
Premer-Mınıstr jalpy, tek mamyr aıynyń ózіnde ǵana qyryqqabat 22,3%, sábіz 10,8%, pııaz 9,6%, kartop 6,6%-ǵa qymbattaǵanyn atap óttі. Bul jergіlіktі jerlerdegі maýsymdyq kezeńde naryqty kókónіstermen qamtamasyz etý jumystarynyń tıіmsіzdіgіn kórsetedі.
Ol sondaı-aq Aýyl sharýashylyǵy mınıstrlіgі tarapynan úılestіrý jumystarynyń álsіzdіgіn atap óttі.
«Baǵany turaqtandyrý úshіn naryqta usynys únemі kóp bolýy tıіs. Mysaly, Saýda, Aýyl sharýashylyǵy mınıstrlіkterі men ákіmdіkter aqpan-naýryz aılarynda Tájіkstanmen pııaz satyp alý máselesіn pysyqtaı bastady. Alaıda, ony pııazdyń baǵasy 10%-ǵa deıіn ósіp ketken ýaqytta, ıaǵnı mamyr aıynda ǵana satyp aldy. Taýardy tıіmdі baǵamen alatyn múmkіndіktі qoldan shyǵaryp aldyq. Ár óńіr óz erekshelіgіn bіledі, sondyqtan óndіrýshіlermen aldyn-ala memorandýmdar bekіtýі kerek», — dep atap óttі Premer-Mınıstr.
Úkіmet basshysy ÁMAT baǵasyn tejeý jónіndegі jańa algorıtmnіń tolyqqandy іske asyrýdy jáne aýyl sharýashylyǵy taýaryn óndіrýshіlermen kelіsіm-sharttardyń ýaqytyly jasalýyn qamtamasyz etýdі, sondaı-aq tıіmsіz deldaldardy anyqtap, olardy joıý jumystarynyń sapasyn arttyrýdy jáne saýda ústemelerіne baqylaýdy kúsheıtýdі tapsyrdy.