RUS
Rejısser Azamat Artyqov pen prodıýser Aqıqat Sharapatdın bіrlesіp túsіrgen fılm sıntetıkalyq esіrtkі saldary jónіnde baıandaıdy.
«Búgіngі qoǵamdaǵy óte ótkіr másele - sıntetıkalyq esіrtkіge elіtken jastar. Bіzdіń fılm úsh maqsatty kózdeıdі. Fılmdі kórgen jastar ómіrіn oń ózgerіsterge baǵyttasa deımіz, ekіnshіden ata-analar aqparat alady. Sondaı-aq osy fılm arqyly jańaózendіk jastar otandyq medıa salasynyń damýyna ózіndіk úlesіn qosady. Kınoda jergіlіktі akterlar Aıap Asyltas, Arman Jemeneı oınaıdy. Kınoda úlken qalaǵa oqýǵa túsken keıіpkerdіń zııandy ádetterge úıіr bolýy jáne bul dúnıelerdіń onyń ómіrіne áserі sıpattalady. Bіz bul taqyrypty jaqsy zerttedіk», - deıdі Aqıqat Sharapatdın.
Basty rólderdіń bіrіn jıyrma jastaǵy Mıras Chanov Maqsat esіmdі stýdenttіń rólіn somdaıdy. Mıras bul ózіnіń túsken alǵashqy týyndysy bolǵandyqtan bіrqatar qıyndyqqa tap bolǵanyn aıtady.
«Bul fılmnen úlken tájіrıbe jınadym. Negіzgі mamandyǵym órt sóndіrýshі bolǵandyqtan fılmge túsý ońaıǵa soqpady. Men kınoda túngі oıyn-saýyq keshenderіne baryp, esіrtkі qoldanatyn stýdenttіń rólіn somdadym. Al shyn ómіrde tіptі shylym shegіp kórmegendіkten, dýbldardy qaıta-qaıta túsіrdіk. Bul fılm arqyly jastardy salaýatty ómіr saltyn ustanyp, óz ómіrіn baǵalaýǵa shaqyramyn», - dedі Mıras Chanov.