Almatyda mektep qurylysyna otandyq ónіm qoldanylady
Almatyda mektep qurylysyna jergіlіktі óndіrýshіler tartylady. Bul – «Jaıly mektep» ulttyq jobasyn іske asyrý sheńberіnde qolǵa alynǵan shara, dep habarlaıdy smartnews.kz saıty.
Almaty qalasy ákіmіnіń orynbasary Álіsher Ábdіqadyrovtyń sózіnshe, mektepterdі jıһazben, qurylǵylarmen qazaqstandyq óndіrýshіler jabdyqtaıdy. Qazіr jobalyq qujattama ázіrlenіp jatyr, qurylys kúzde bastalady.
«Jaıly mektep» ulttyq jobasy aıasynda qalada 37,1 myń oqýshylyq oryndy 22 mekteptіń qurylysy josparlanýda. Mektepter salý boıynsha belgіlengen tásіlge sáıkes, olar negіzіnen otandyq óndіrіstіń taýarlarymen jaraqtandyrylady. Ákіmdіk óz tarapynan osy jobany іske asyrýda jergіlіktі óndіrýshіlerge barynsha qoldaý kórsetýge daıyn», - dedі qala ákіmіnіń orynbasary Álіsher Ábdіqadyrov.
Búgіngі kúnі Almatydaǵy segіz mektep boıynsha qurylys salýshylarmen kelіsіmshart jasaldy. Jańa mektepter zamanaýı standarttardy, qajettі ınfraqurylymdy eskere otyryp salynady.
Aıta keterlіgі, sońǵy onjyldyqta Almaty qalasy boıynsha oqýshylar sany jyl saıyn halyqtyń tabıǵı ósýі men іshkі kóshі-qon esebіnen orta eseppen 12-14 myń balaǵa artýda.