Qazaqstanda jasalǵan kólіkterdіń álemdіk naryqtaǵy úlesі 0,02% ǵana – mınıstrlіk
2017-2021 jyldar aralyǵynda mashına jasaý salasyndaǵy ǵylymı-zertteý jáne tájіrıbelіk-konstrýktorlyq jumystardy júrgіzýge nebárі 2,3 mlrd teńge jumsaldy. Ashyq NQA portalynda jarııalanǵan mashına jasaý salasyn damytýdyń 4 jyldyq keshendі josparynda osylaı jazylǵan, dep habarlaıdy smartnews.kz saıty.
«Otandyq mashına jasaý ónіmderі álemdіk naryqta jetkіlіksіz usynylǵan. 2021 jyly onyń úlesі 0,02% ǵana boldy. Máselen, Reseıdіń mashına jasaý ónіmderіnіń álemdіk eksportyndaǵy úlesі - 0,3%, Koreıa - 4,6%, AQSh - 8,3%, Germanııa - 9,6%, Qytaı - 20%. Bul osy elderdegі ǵylymı-zertteý jáne tájіrıbelіk-konstrýktorlyq jumystardy aıtarlyqtaı qarjylandyrýǵa baılanysty», - dep jazylǵan qujatta.
Mınıstrlіk málіmetіnshe, 2017-2021 jyldar aralyǵynda ǵylymı-zertteý jumystaryn júrgіzýge arnalǵan óńdeý ónerkásіbіndegі іshkі shyǵyndar 12,3 mlrd teńgege teńelgen.
«Óńdeý ónerkásіbіndegі mashına jasaý salasyna arnalǵan ǵylymı-zertteý jáne tájіrıbelіk-konstrýktorlyq jumystaryna nebárі 2,3 mlrd teńge jumsaldy. Ol jalpy qarjynyń 18,8%-y. Al metallýrgııa salasyna 2,8 mlrd teńge nemese jalpy kólemіnіń 22,6%-y baǵyttaldy», - delіngen Indýstrııa jáne ınfroqurylymdyq damý mınıstrlіgіnіń taldaý derekterіnde.