RUS
«Memleket basshysynyń tapsyrmasyn oryndaý aıasynda halyqtyń áleýmettіk osal toptarynyń jekelegen sanattary qatarynan basqa qaladan kelgen stýdentterdіń jataqhanada turýǵa jumsalatyn shyǵynyn sýbsıdııalaý máselesі pysyqtalyp jatyr. Oqý-aǵartý, Ǵylym jáne joǵary bіlіm mınıstrlіkterіnіń derekterі boıynsha 2022-2023 oqý jylynda joǵary oqý oryndary men kolledjderde halyqtyń áleýmettіk osal toptary sanatynan shamamen 218,5 myń stýdent (JOO-da 168,1 myń adam, kolledjderde 50,3 myń adam) oqyp júr. Osyǵan baılanysty úsh jyldyq bıýdjetke qosymsha qajettіlіk shamamen 54,7 mlrd teńgenі (JOO stýdentterіne – 42 mlrd teńge, kolledjder – 12,7 mlrd teńge) quraıdy», - dep atap ótedі Úkіmet basshysynyń orynbasary.
Sonymen qatar vıtse-premer stýdentterdіń páter jaldaýǵa jumsaıtyn shyǵyndaryn óteý úshіn Oqý-aǵartý, Ǵylym jáne joǵary bіlіm mınıstrlіkterі respýblıkalyq bıýdjettіń múmkіndіkterіn eskere otyryp, memlekettіk áleýmettіk kómekke eń muqtaj ekі sanatty anyqtaǵanyn aıtady.
«Olar - jetіm jáne ata-anasynyń qamqorlyǵynsyz qalǵan stýdentter (1 846 adam), múgedektіgі bar adamdar, bala kezіnen múgedektіgі bar adamdar, múgedektіgі bar balalar (758 adam). Úsh jyldyq bıýdjetke qajettіlіk - shamamen 1,9 mlrd teńge», - dedі Altaı Kólgіnov.