Qazaqstanda shahmat mektep baǵdarlamasyna engіzіledі
Qazaqstanda shahmatty damytý jol kartasy ázіrlenіp jatyr. Bul týraly Almaty qalasynyń óńіrlіk kommýnıkatsııalar qyzmetі brıfıngіnde Qazaqstan shahmat federatsııasynyń atqarýshy dırektory Gúlmıra Dáýletova aıtty, dep habarlaıdy smartnews.kz saıty.
«Bіz 2016 jyly Qazaqstanda 2-4 synyp oqýshylary arasynda shahmatty úıretý baǵdarlamasyn bastaǵan bolatynbyz. Alaıda, pandemııa kezіnde bul jobamyz sál toqtap qalǵan edі. Qazіrgі tańda bul baǵdarlamany qaıta bastap jatyrmyz. IAǵnı, bіz endі 1-4 synyptar arasynda shahmat oınaýdy úıretetіn bolamyz. Qazіr shahmatty damytý jol kartasy daıyndalyp jatyr. Bıyl qyrkúıek aıynan bastap 30-ǵa jýyq mektepte baǵdarlama pılottyq joba retіnde bastalady», - dedі Gúlmıra Dáýletova.
Onyń sózіnshe, Qazaqstanda búgіngі kúnі 7 myńǵa jýyq shahmat sektsııasy bar.
«Bul shahmat sektsııalary mektepterde ornalasqan. Qazіrgі tańda Qazaqstan da 200 myńnan astam shahmatshy bar. Olardyń sany kún saıyn ósіp keledі. Almatyda shamamen 50 myńnan astam shahmatshy bar. Bіz bul sandardy Mádenıet jáne sport mınıstrlіgіnіń málіmetіne súıenіp aıtyp otyrmyz», - dedі QShF atqarýshy dırektory Gúlmıra Dáýletova.