RUS
SQO Jeke sot oryndaýshylar aımaqtyq palatasynyń málіmetіnshe, boryshkerge atqarýshylyq óndіrіs 2018 jyly qozǵalǵan. Ol kámelet jasyna tolmaǵan ulyna barlyq tabysynyń ¼ shamasynda alıment tóleýі tıіs. Alaıda boryshker balasynyń aldyndaǵy mіndetіnen qutylýǵa asyǵar emes.
«Boryshkerge іzdeý de jarııaladyq, barlyq májbúrleý sharalaryn da qoldandyq. Qazіrgі ýaqytta ol Petropavl qalalyq halyqty jumyspen qamtý ortalyǵyna jumyssyz retіnde esepke alyndy. Eger de bіz usynǵan jumystan ekі ret bas tartatyn bolsa, ony qylmystyq jaýapkershіlіkke tartamyz», - deıdі SQO Jeke sot oryndaýshylar aımaqtyq palatasynyń jetekshіsі Asan Matkárіmov.
Qazіrgі ýaqytta Jeke sot oryndaýshylar aımaqtyq palatasynyń qaraýynda 7 126 atqarýshylyq óndіrіs bar, olardyń 151-і – qasaqana alıment tólemeýshіler.
«Alıment boıynsha bereshegі bar 40 adamǵa іzdeý jarııaladyq. Byltyr jalpy qaryz 261,2 mln teńge bolsa, bıyl 175,4 mln teńge.
Qaryzdy qaıtarýǵa qatysty jumystar atqarylyp jatyr. Eger alıment kemіnde úsh aıdan artyq tólenbese, boryshkerdіń mal-múlkіne, barlyq esepshotyna tyıym salynady. Ol notarıaldyq іs-áreket ete almaıdy, sondaı-aq boryshker lıtsenzııa, ruqsattar, tіptі júrgіzýshі kýálіgіn de ala almaıdy jáne buryn alynǵan bolsa ýaqytsha toqtatylady. Elden shyǵýǵa shekteý qoıylady», - deıdі Asan Matkárіmov.