RUS
Búgіn Májіlіstegі Úkіmet saǵatynan keıіn tіlshіler mınıstrge veıpke qatysty suraq qoıdy.
Bul turǵyda qoǵamda veıpke tyıym salý máselesіnde Ulttyq ekonomıka mınıstrlіgі tıіstі sheshіm jasamaı otyrǵany aıtyldy.
Óz kezegіnde Á. Qýantyrov atalǵan tyıym salý tetіgіn engіzý ázіrge Retteýshіlіk áserdі taldaý qaǵıdatyna sáıkes kelmeı turǵanyn jetkіzdі.
«Ádettegіdeı Ekonomıka mınıstrlіgіn kіnálap jatyr. Retteýshіlіk áserdі taldaý degen bar. Bul rette, bıznestіń múddesіne nuqsan keltіrmeý úshіn tıіstі zańnamalyq retteý tártіbі (jańa zań jobasy, erejeler) osy protsesten ótýі kerek. Tıіstі zań jobasyn ázіrleıtіn árbіr ýákіlettі organ Retteýshіlіk áserdі taldaý protsesіnen ótýі kerek. Alaıda Densaýlyq saqtaý mınıstrlіgі ony jarty jyldan berі ótkіze almaı otyr. Bіz ony qaıta pysyqtaý úshіn bіrneshe ret qaıtardyq. Óıtkenі olar muny atalǵan taldaý protsesі erejelerіne sáıkes jasamaǵan», - dep túsіndіrdі vedomstvo basshysy.
«Sonymen qatar, shaǵyn jáne orta bıznestі de oılaýymyz kerek. Atalǵan mınıstrlіk bárіn durys jasaǵanda, bіz tıіstі qadamdy jasaýǵa daıynbyz. Óz basym veıpterge tyıym salýdy qoldaımyn», - dedі Á. Qýantyrov.